Úsh bólimnen quralǵan aýqymdy kitap ekspozısııasy dara tulǵanyń 175 jyldyq mereıtoıyna arnalǵan. Ortalyqtyń tusaýyn zııaly qaýym kesti. Olar óskeleń urpaq úshin bıylǵy jyldyń Abaıǵa arnalǵandyǵy oń bolǵandyǵyn shattana aıtysýda. О́ıtkeni, ótkenin bilmegen urpaq keleshegin boljaı almaıdy. Abaıtanýshy Amanjol Ydyrysulynyń aıtýynsha, aqyndy alǵash zerttegenderdiń biri – kókshetaýlyqtar.
– Abaıtaný Kókshetaýda tórt jyl buryn bastaldy. Ýnıversıtette. Keıin izdene júrip, Abaıtanýdyń bastaýynda bizdiń kókshelikter turǵanyn anyqtadyq. Ol Zeınelǵabıden ál Jaýarı. «Nasıhat Qazaqııa» degen kitabynda 1908 jyly Abaıdyń bir tomdyǵy jaryqqa shyqqanǵa deıin 1 jyl buryn Abaıdyń 8 óleńin óz kitabyna kirgizip, oǵan taldaý jasaǵan.Odan keıin 1935 jyly Abaı týraly monografııany Ǵabbas Toǵjanov jazdy, – deıdi Abaıtanýshy Amanjol Esmaǵulov.
Jańadan ashylǵan ádebı ortalyqqa jalpy sany 120-daı kitap qoıylǵan. Olardyń barlyǵy qalalyq 12 aqparattyq kitaphana júıesi qorynan jınaqtaldy. Al 50 kitap elektrondy nusqada jasalǵan. Aldaǵy ýaqytta olardyń sanyn 500-ge jetkizbek. Ádebı ortalyq úsh bólimnen turady.
– Birinshi bólimde Abaıdyń álemi, ósken ortasy sıpattalady. Ekinshi bólimde shyǵarmashylyǵy. Úshinshi bólimde aqyn týraly zertteýler. Iаǵnı, osy kúnge deıin qandaı ǵalym, qandaı jazýshy Abaı týraly zerttedi. Úshinshi bólimde sol málimetter qamtylady, – deıdi qalalyq úlgili qazaq kitaphanasynyń qyzmetkeri Erden Nurahmet.
Saltanatty sharaǵa Abaı ósken jerdiń týmasy, J.Mýsın atyndaǵy joǵary qazaq pedagogıkalyq kolledjiniń oqytýshysy Álııa Zamanbekqyzy da qatysty. Ol Abaı ánderin náshine keltirip oryndap berdi. Endigi arada Abaı álemin tanımyn degen ár adamǵa ádebı ortalyqtyń esigi aıqara ashyq turmaq.
Kókshetaý qalasy.
