Aqtaýda nefrologtarǵa arnalǵan konferensııa ótti

Aımaqtar • 29 Qańtar, 2020

Aqtaýda nefrologtarǵa arnalǵan konferensııa ótti

59 ret kórsetildi

Konferensııa Qazaqstan Respýblıkasynda nefrologııalyq qyzmetti jetildirý maqsatyndaǵy 2019-2020 jyldarǵa arnalǵan «Jol kartasy» aıasyndaǵy is-sharalardy oryndaý maqsatynda uıymdastyrylǵan. Bul rette Almaty qalasyndaǵy «Qazaqstannyń nefrologtary, dıalız dárigerleri men transplantologtarf qoǵamy» RQB jetekshisi, professor, medısına ǵylymdarynyń kandıdaty, Ulttyq ǵylymı medısınalyq ortalyǵy AQ bólim basshysy Saltanat Tuǵanbekova arnaıy keldi. Bul týraly Mańǵystaý oblystyq Densaýlyq saqtaý basqarmasy baspasóz qyzmeti habarlady.

Gúlaıym DÁÝITBAI

Shara kezinde mindetti áleýmettik medısınalyq saqtandyrý júıesin engizý boıynsha arnaıy baıandama engizildi. Konferensııa jumysyna Aqtaý qalasy emhanalary men aýdandyq emhanalardyń jalpy tájirıbeli dárigerler, terapevt, nefrolog mamandar qatysty.

Elimiz boıynsha nefrologııa jáne búırek almastyrý terapııasy, ıaǵnı dıalız jáne transplantologııa qarqyndy damý alyp keledi. Qazirgi tańda búırek shamasyzdyǵynyń sozylmaly túrimen aýyratyn naýqastar sany jalpy álem boıynsha, onyń ishinde Qazaqstanda da jyldan jylǵa arta túsýde. Oǵan ákeletin sebepter ártúrli – qant dıabeti 30 %, glomerýlıarlyq búırek aýrýlary 25 %, júrek-qantamyr júıesiniń aýrýlary, onyń ishinde emge kónbeıtin arterıaldy gıpertenzııa aýrýy 25 %, dáneker terisiniń aýrýlary, búırek tas aýrýy sııaqty aýrýlar toby 25 % quraıdy.

Sondaı-aq gemodıalız emsharasy sapasynyń jaqsarýyna baılanysty naýqastardyń ómir súrý sapasynyń artýy, kórsetilimder boıynsha aýrýdy anyqtaý deńgeıiniń artýy taǵy bar. Qazirgi tańda ambýlatorlyq deńgeıde nefrologııalyq naýqastardy dıspanserlik esepke alý, baqylaý, stasıonarlyq deńgeıde emdeý kórsetilimderi, júrgizý standarttary, ambýlatorlyq jáne jedel gemodıalız jumystaryn júrgizý kórsetilimderi, standarttary, perıtonealdy gemodıalız, búırek transplantasııasyn ótkenregr naýqastardy júrgizý, dıspanserlik qadaǵalaý standarttary kórsetilgen.

Búginde oblysymyzda 223 naýqas turaqty baǵdarlamaly gemodıalız emin alady. Naýqastar óz tańdaýy boıynsha emdeletin klınıkany ózderi tańdaý quqyna ıe. Aıta ketý kerek, atalǵan naýqastardyń ishinde 130 naýqas búırek transplantasııasyna jaramdy bolyp tabylady. Sonymen qatar 46 naýqasqa búırek transplantasııasy jasaqtalyp, turaqty túrde ımmýnnosýprekssıvti preparattarmen qamtylǵan. Atalǵan 46 ishinde 27 naýqasqa búırek transplantasııasy elimizdiń Almaty jáne Nur-Sultan qalalaryndaǵy klınıkalarda jasalǵan. 55 naýqas SBJ 2-4 satysymen zardap shegedi, dıspanserlik esepte turǵandar sany 20, glomerýlıarlyq búırek aýrýy boıynsha esepte tur.

Atalǵan sala boıynsha dáris oqyǵan Saltanat Keńesqyzy, dárigerler tarapynan qoıylǵan barlyq suraqta tushymdy jaýaptar qaıtaryp, óziniń tájirıbesimen bólisti. Sondaı-aq, ústimizdegi jyldyń sáýir aıynda Túrkııanyń Sapandj shaharynda ǵylymı-praktıkalyq oqytý konferensııasyna ótetindigin jáne oǵan elimizdiń ár óńirinen dárigerler qatysatyndyǵy týraly habarlady. Tórt kúnge jalǵasatyn sharada AQSh, Eýropa, Reseı, Túrkııa men Qazaqstannyń ǵalymdary, professorlary jáne sala mamandary búırek men transplantologııa taqyrybyn tereń zerttep, ózara tájirıbe almasatyn bolady. Atalmysh konferensııa jumysyna mańǵystaýlyq dárigerlerdiń de qatysýy múmkin.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz