«Qytaı Halyq Respýblıkasyndaǵy epıdemıologııalyq jaǵdaıǵa baılanysty Oral qalasyndaǵy medısına qyzmetkerleri QHR-dan jaqynda ǵana kelgen adamdarǵa qońyraý shalyp, aralarynan jedel respıratorlyq vırýstyq ınfeksııa (JRVI) belgileri bar adamdardy anyqtady» dep habarlady BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
Arnaıy bekitilgen is-áreket algorıtmine sáıkes, JRVI belgileri bar tulǵalarǵa medısınalyq tekserý júrgizilgen. Sóıtip, zerthanalyq tekserý nátıjesinde Qytaıdan kelgenderdiń birine JRVI dıagnozy qoıylǵan. Onymen baılanysta bolǵan ekinshi adamnan V tıpti tumaý vırýsy anyqtalǵan.
«Atalǵan adamdar oblystyq juqpaly aýrýlar aýrýhanasyna jatqyzyldy, olardyń jaǵdaıy qanaǵattanarlyq jáne negizgi aýrýlary JRVI men tumaý boıynsha qajetti sımptomatıkalyq em alýda» delingen áleýmettik jelidegi paraqshasynda.
BQO taýarlar men kórsetiletin qyzmetterdiń sapasy men qaýipsizdigin baqylaý departamenti halyqty jelide taralyp jatqan jalǵan aqparattarǵa emes, tek resmı aqparat kózderine senýdi suraıdy.
Batys Qazaqstan
