Áıgili maman barlyq kásipkerler men jaýapty qyzmettegi adamdardy álsiz messendjermen jumys istemeýge shaqyryp otyr. Shabýyl sheteldik bılik tarapynan uıymdastyrylǵany jáne basqadaı da kóptegen sheneýnikter men kásipkerler bul torǵa túsip «jem» bol bolǵany jobalanady.
Dýrov myrza Birikken Ulttar Uıymy qyzmetkerleri men alpaýyt memleketter basshylaryna tek qana jańa smartfon alyp, oǵan budan bylaı WhatsApp ornatpaýyna aqyl-keńes berip otyr. Ol Facebook kompanııasynyń qupııa saqtaý saıasatyn qatty synǵa aldy. Al, óz kezeginde Mark Sýkerbergtiń qaramaǵyndaǵylar problema messendjerde emes, Apple-diń programmasynan bolǵanyn aıtýda.
О́tpeli shıfrlaý eshqandaı da qaýipsizdik úshin kepil bola almaıtynyn sóz etken Dýrov Apple men Facebook óz ónimderiniń kemshin tustaryn ádeıi joımaı otyrǵandyǵyn aıtty. Onyń aıtýynsha byltyr, 2019 jyly ǵana synǵa ushyrap otyrǵan messendjerdiń paıdalanýshyǵa asa qaýipti 12 qatesin tapqan.
Byltyr kúzde ǵana AQSh, Ulybrıtanııa men Aýstralııa kúshtik qurylymdar men arnaıy qyzmetter kerek kezinde paıdalanýshylardyń hat-habarlaryna kire alýy úshin Facebook basshylyǵyn WhatsApp messendjerindegi shıfrlaýdy báseńdetý týraly suraǵan edi. Suraý salýshylar mundaı ótinishterin tek balalar qaýipsizdigi úshin jasap otarǵandaryn tilge tıek etken.
Facebook basshysy Mark Sýkerberg óz kezeginde bekdorǵa úzildi-kesildi qarsy ekenin jetkizgen. Bekdordyń negizgi qyzmeti shıfrlanǵan jáne qorǵalǵan málimetterge qupııa túrde kirý bolyp tabylady. Byltyr Reseıde Telegram-ǵa tıym salynardyń aldynda Dýrov óz messendjerinde osy bekdor joǵyn aıtyp, bılik ókilderine eshqandaı da shıfr kiltin bermeıtinin eskertken edi.
