Kezdesý barysynda Qazaqstannyń Tuńǵysh Prezıdenti Mıhaıl Mıshýstındi jaýapty jáne mańyzdy laýazymǵa taǵaıyndalýymen quttyqtady.
– Siz bul qyzmetke óte qıyn kezeńde kelip otyrsyz. Qazir jaǵdaı ońaı emes. Jańa laýazymda sizdiń mol tájirıbeńiz paıdaly bolady dep senemin. Keshe Almatyda sıfrlandyrý jáne jasandy ıntellektini damytý máselelerin talqyladyńyzdar, - dedi Elbasy.
Nursultan Nazarbaev Qazaqstan táýelsizdik alǵannan beri Reseı Federasııasymen tatý kórshilik qarym-qatynas ornatqanyn atap ótti.
– Men jumys istegen jyldardyń bárinde Qazaqstan men Reseı arasyndaǵy yntymaqtastyqty nyǵaıtýǵa tyrystym. Búgingi tańda bizdiń baılanystarymyz úlgi etýge turarlyq dep esepteımin. Aldaǵy ýaqytta da osylaı bolǵanyn qalaımyn, - dedi Qazaqstannyń Tuńǵysh Prezıdenti.
О́z kezeginde Mıhaıl Mıshýstın Elbasyǵa kezdesý úshin alǵys bildirip, Reseı Federasııasynyń Prezıdenti Vladımır Pýtınniń jyly lebizderin jetkizdi.
– Men alǵashqy sheteldik saparymdy Qazaqstannan bastadym. Bizdiń qarym-qatynasymyz óte jaqsy. Osy múmkindikti paıdalanyp, men Reseı Federasııasy Prezıdentiniń eń izgi tilekterin jetkizgim keledi, - dedi Reseı Federasııasynyń Premer-Mınıstri.
Kezdesý barysynda taraptar Eýrazııa ekonomıkalyq odaǵy aıasyndaǵy yntymaqtastyqty damytýdyń qazirgi jaǵdaıy men perspektıvalaryn talqylady. Sondaı-aq, ınfraqurylymdy damytý jobalaryn iske asyrý jáne qurlyq elderi arasyndaǵy saýda qatynastaryn odan ári nyǵaıtý máselelerine toqtaldy.
