Aımaqtar • 02 Aqpan, 2020

Aqtaýda qalaishilik jańa joldar qarqyndy salynýda

467 ret

kórsetildi

1 mın

oqý úshin

Aqtaý qalasynda ótken jyly 520 myń sharshy metr turǵyn úı qoldanysqa berý josparlansa, jyl qorytyndysy boıynsha 611,1 myń sharshy metr turǵyn úı, ıaǵnı 4 100 páter qoldanysqa berildi. Sonymen qatar qalaǵa qarasty, ótken jyly Prıozernyı-1 aýyly sý jáne ishki joldardyń qurylysy tolyq aıaqtaldy. Jańadan «Raýan» aýyly sý, elektr jelisi jáne ishki joldarynyń qurylys jumystary bastaldy. Odan bólek qala ákimi qurylys jumystary júrip jatqan joldarǵa toqtaldy. Bul týraly Mańǵystaý oblysy ákiminiń baspasóz qyzmeti habarlady.

Gúlaıym DÁÝITBAI

Aqtaýda qalaishilik jańa joldar qarqyndy salynýda

Aqtaýda «Munaıshy» stadıonynan bastap, 16 men 17, 19A men 20-shy shaǵyn aýdan aralyǵynda uzyndyǵy 2,3 shaqyrym jol qoldanysqa berilip, 26 shaǵynaýdandaǵy «Beket Ata» meshitinen bastap 3B shaǵynaýdandaǵy Mıgrasııalyq qyzmet kórsetý ortalyǵyna deıin 2,4 shaqyrym bolatyn joldy 4 jolaqqa deıin keńeıtý jumystary tolyq aıaqtaldy.

Sondaı-aq, «Alataý» meıramhanasynan «Grın-Plaza» turǵyn-úı keshenine deıingi №22 avtojoly aqpan aıynyń sońynda, «Kóktem» turǵyn-úı massıviniń, «Prımorskıı» aýylynyń joldarynyń qurylys jumystary 95%-ǵa aıaqtalǵan, osy jyly tolyq qoldanysqa beriledi.

32V sh/a «Shańyraq» turǵyn kesheni jáne 31B,32B,35 shaǵynaýdandary boıyndaǵy №33 avtomobıl jolynyń qurylysy júrgizilýde jáne 33 sh/a «Mańǵystaý Arena» s/k, 34,34A,35 shaǵynaýdandar boıymen №26 avtomobıl joly qurylys jumystary bastaldy.

Mańǵystaý oblysy