Oqý-jattyǵýlar jaýyngerlik daıarlyq josparyna sáıkes shynaıy urys barysyna barynsha uqsas jaǵdaılarda uıymdastyryldy. Jattyǵý barlyq bólimderdiń bir ýaqytta joǵary jaýyngerlik daıarlyq jaǵdaıyna keltirilip, áskerı tehnıkamen marsh jasaýdan bastaldy. Jeke quram belgilengen aımaqqa jetý úshin 300 km-den astam araqashyqtyqty ótip shyqty.
Oqý-jattyǵý ornynda áskerı qyzmetshiler túrli araqashyqtyqtaǵy nysanalardyń kózin joıý, qol granatasyn atý, áýe nysanalary boıynsha túnde kórý qurylǵylaryn qoldana otyra atys júrgizý elementterin oryndady.
Taktıkalyq oqý-jattyǵýlar jeke quramnyń dalalyq mashyqtylyǵy men bólimshelerdiń úılesimdiligin arttyrý maqsatynda ótkizildi.
Desanttyq-shabýyldaýshy áskerleri qolbasshysynyń jaýyngerlik daıarlyq jónindegi orynbasary, polkovnık Bolat Dúısembaevtyń aıtýy boıynsha, komandırler men jeke quram shtattyq qarýlardyń barlyq túrinen atys júrgizý men berilgen qosalqy jeke quramdy basqarý boıynsha eptilikterin arttyrdy, olardyń jumysyn uıymdastyrý, atysty basqarý boıynsha tájirıbe ala aldy.
Desanttyq-shabýyldaýshy áskerleriniń qolbasshysy, general-maıor Qanysh Ábýbákirov oqý-jattyǵýǵa joǵary baǵasyn berip, 61993 áskerı bóliminiń komandıri, podpolkovnık Begimbet Tájibaevtyń jeke quramdy jan-jaqty daıyndaǵany úshin úlgi etti.
