Bastapqy básekelerdiń barlyǵyn óz paıdasyna sheshken jerlesterimiz fınaldyq saıysta Horvatııa tennısshileri – Ivan men Mateı Sabanovqa san soqtyrdy. Esep – 6:4, 6:2.
Osylaısha Aleksandr Nedovesov pen Andreı Golýbev juby bıylǵy jyly ózderiniń ekinshi tıtýlyn jeńip aldy. Esterińizge sala keteıik, qańtar aıynyń ekinshi jartysynda olar Taılandta ótken týrnırde top jarǵan edi. Sol jarystyń aqtyq synynda otandastarymyz taılandtyq Sanchaı Ratıvata men ındonezııalyq Krıstofer Rýnkattan 3:6, 7:6 (7:1), 10:5 esebimen basym tústi.
