Aýdan ortalyǵy Beıneý aýylynda jańa temir jol vokzaly salý ýaqyt talaby. Búgingi tańda vokzaldan táýligine 24 poıyz ótedi. Onyń altaýy halyqaralyq baǵytta qatynaıdy. 1986 jyly 10-15 adamǵa arnalyp salynǵan vokzal syıymdylyǵy jaǵynan tarlyq etip, búgingi talaptarǵa saı kelmeı otyr. Atalǵan máseleler oń sheshimin tabý maqsatynda jańa vokzal salý josparlanyp otyr. Aımaq basshysy jeke kásipkerdiń qarajatyna salýdy josparlap otyrǵan jobamen tanysty.
Aýdan ákimdigi joba boıynsha quzyrly organdarmen jan jaqty jumys júrgizip, ınvestorǵa qoldaý kórsetýdi tapsyrdy. Qazaqstan temir joly jáne basqa da jaýapty mekemelerden qoldaý tapsa, Beıneý aýdanynda jańa temirjol vokzaly boı kótermek. Munan soń aımaq basshysy aýdan ákimdiginde ornalasqan «Ashyq alańda» aýdan turǵyndaryn jeke máselelerimen qabyldady. Qabyldaýda bolǵan azamattar kásipkerlik baǵytta nesıe alý, gaz tartýǵa kómek, aýyz sý tartý jáne ataýly áleýmettik kómek máseleleri boıynsha suraqtaryn qoıyp, jaýapty mamandar tarapynan jaýaptar berildi.
Sonymen qatar óńir basshysy aýdandaǵy qoǵam belsendilerimen kezdesip, usynystaryn tyńdap, belsendiler tarapynan qoıylǵan suraqtarǵa jaýap berdi. Usynystary qaperge alynyp, jumystar birge jasalatynyn jetkizdi. Sondaı-aq óńir basshysy sút zaýytynda bolyp, kásiporynnyń qazirgi hal-ahýalymen tanysty.
2020 jyldyń qańtar aıynda óz jumysyn bastaǵan «Ádil sút zaýyty» JShS táýligine 1,5 tonna sút ónimderin shyǵarady.
- Ǵımarat jalpy aýmaǵy 363,70 m kvadrat jerdi alyp otyr. Joba quny 38 mln teńgeni quraıdy, qazirgi tańda 17 adamdy turaqty jumyspen qamtyp otyrmyz, - deıdi joba quryltaıshysy Sadýaqasov Azrethalı. Bolashaqta zamanaýı tehnologııalar arqyly óndiristiń qýattylyǵyn 5 tonnaǵa deıin arttyrý josparlanyp otyr. Sonymen qatar qosymsha shujyq, syr jáne balmuzdaq óndiretin sehtar salyp, iske qosyp, jumysshylar sanyn 35 adamǵa deıin kóbeıtý. Jalpy qazirgi tańda sút, aıran, qaımaq, súzbe, shalap, shubat jáne qurt óndirip otyr.
