Dástúrli jıynǵa aımaq basshysy Serikbaı Trumov, barlyq basqarma basshylary men aýdan halqy qatysty. Aýyl sharýashylyǵy damyǵan aýdanda 36 egin sharýashylyǵy, 389 mal sharýashylyǵy, 425 sharýa qojalyǵy ata kásiptiń násibin kórip otyr.
Taýar óndirýshileri ótken jyly 3272 tonna et, 2754 tonna sút, 116 myń dana jumyrtqa óndirdi. Mal azyqtyq shóp daıyndaý úshin 27000 tonnaǵa jospar jasalynyp, 100% oryndaldy.
Jaıylymdy sýlandyrý maqsatynda «Agrobıznes – 2020» baǵdarlamasy aıasynda jańadan 8 qudyq qazyldy.
Aýdanda orta jáne shaǵyn kásipkerler sany 2321 adamǵa jetip, 0,7% paıyzǵa ósti. Kásipkerlikti damytý maqsatynda «Aýyl sharýashylyǵyn qarjylaı qoldaý qory» AQ arqyly «Nátıjeli jumyspen qamtý jáne jappaı kásipkerlikti damytýdyń» «Eńbek» baǵdarlamasy boıynsha 58 adamǵa 248 mln teńge nesıe berildi.
«Aýyl – El besigi» jobasy aıasynda da birshama jumystar atqaryldy. Uzyndyǵy – 1,65 jáne 4,8 shaqyrymdy quraıtyn seloishilik kóshelerdiń avtokólik joldaryna ortasha jóndeý jumystary aıaqtalyp, paıdalanýǵa berildi.
