Aýdanda barlyq salalarda joǵary kórsetkishterge, jaqsy nátıjelerge qol jetkizildi. Aýdan turǵyndarynyń sany 39 myńnan asty. Áleýmettik - ekonomıkalyq damý kórsetkishter ótken jyldarmen salystyrǵanda birshama ósti.
«Jumyla kótergen júk jeńil» demekshi, turǵyndardyń atsalysýymen kóptegen qyzmetter atqaryldy. Atap aıtsaq, 4 páterli baspana boı kóterip, turǵyn úıge asa muqtaj otbasylarǵa tartý etildi. Aýdan ortalyǵynyń abattanýy men tazalyǵy turǵyndarmen birlese otyryp júrgizildi.
Sonymen qatar turǵyndardyń talabymen Shetpe aýyly mańynda ornalasqan karerlerdiń tas ýatý qondyrǵysyn kóshirý jumystary zań talaptaryna saı oryndalýda. Aldaǵy jyldan da kúterimiz mol. Jyl ishinde kóptegen áleýmettik, kásipkerlik nysandardy ashyp, turǵyndar ıgiligine paıdalanýǵa berý josparda bar, - dedi Mańǵystaý aýdanynyń ákimi T.Kóshmaǵanbetov.
Esep berý kezdesýinen soń oblys ákimi Serikbaı Trumov sóz sóılep, turǵyndar saýalyna jaýap berdi jáne aýdan ákimine birqatar tapsyrmalar berip, jıyndy qorytyndylady.
