Ákimniń aıtýynsha, qazirgi tańda jalpy uzyndyǵy 158 shaqyrymdy quraıtyn respýblıkalyq mańyzdaǵy avtokólik joldaryn qaıta jańartý jumystary óz merzimine sáıkes aıaqtalyp keledi. Atap aıtsaq, 85 shaqyrymdyq «Beıneý-Aqjigit-О́zbekstan shekarasy» trassasy men «Jetibaı-Jańaózen» baǵytyndaǵy 73 shaqyrym jol jańasha kelbetke endi. Jańǵyrtý jumystary bıyl aıaqtalady.
-Budan basqa, uzyndyǵy 126 shaqyrymnan astam «Jyńǵyldy - Shaıyr - Sherqala jeri» baǵytyndaǵy asfalt joldyń jáne ekinshi kezeńdi qalpyna keltirý jumystary bastalǵan «Atajoly» avtomobıl jolyn qaıta jańartý qarqyndy júrgizilýde, dedi aımaq basshysy.
Aıta ketsek, Mańǵystaý oblysyndaǵy avtomobıl joldarynyń jalpy uzyndyǵy 2 myń 977 shaqyrymdy quraıdy. Onyń 1049 shaqyrymy respýblıkalyq mańyzda, 1028,7 shaqyrymy oblystyq, qalyp turǵan 900 shaqyrymdaı joldyń aýdandyq mańyzy bar.
Esepti kezeńde avtokóliktiń barlyq túrindegi júk aınalymy byltyrǵy jyly 8,5 mlrd tonnany qurady. Bul 2018 jyldyń qańtar-jeltoqsan aılarynan 100 paıyz joǵary kórsetkish.
Jolaýshylar aınalymynyń kólemi 4,7 mlrd km qurap, 0,8 prosentke artyp otyr.
Mańǵystaý oblysy
