О́zbek elinen tarap jatqan resmı derek О́zbekstan prezıdenti Shavkat Mırzeevtiń jarlyǵymen osy eldiń Tájikstan pedagogıkalyq ýnıversıtetinde oqyp jatqan stýdentteri qujattaryn qaıtyp alyp, О́zbekstanda bilimderin jalǵastyra alatynyn aıtyp jatyr.
О́zbekstannyń Tájikstan pedagogıkalyq ýnıversıtetinde bilim alyp jatqan stýdentterin elge qaıtarýdy josparlap otyrǵanyn habarlady.
Osy derekkóziniń málimeti boıynsha О́zbekstannyń eki myń bes júz stýdenti óz eliniń ýnıversıtetterine aýysý úshin qajet barlyq qujatty ala alatynyn málim etti.
О́zbekstannyń atalmysh mınıstrligi sonymen qatar Qazaqstan, Qyrǵyzstan, Tájikstan men Túrkimenstanda oqyp jatqan stýdentterine eshbir emtıhansyz О́zbekstan ýnıversıtetterine aýysa alatyny týraly usynys jasaǵan.
Málimette bul sheshimniń korona vırýsynyń taralý qaýpine qatysy joqtyǵyda eskertilgen. О́zbekstan úkimetiniń sheshimi óz azamattaryn halyqaralyq standarttarǵa saı, bedeldi reıtıngterden oryn alatyn ýnıversıtetterde oqytý baǵdarlamalary negizinde qabyldanǵan.
Osy basylymnyń habarlaýynsha, Shymkentte 15 myńnan astam ózbek stýdentteri oqıdy. Qazir júzdegen stýdentter qujattar alyp jatyr. О́zbek bıligi olardy eshbir emtıhansyz óz otanyndaǵy ýnıversıtetterge aýystyrýǵa ýáde beripti.
Qazaqstan Respýblıkasynyń Syrtqy ister mınıstrligi ózbek stýdentteriniń elden jappaı ketýiniń sebebin atady. Qazaqstan Respýblıkasynyń SIM-niń resmı ókili Aıbek Smadııarovtyń aıtýynsha, bul - bilim berý júıesindegi reformamen baılanysty qabyldanǵan sheshim. «Bizge ózbek tarapynan resmı habarlama kelip tústi. О́zbek stýdentterin qaıta eline shaqyrtý kórshi respýblıkadaǵy bilim berý júıesinde júzege asyrylyp jatqan reformaǵa baılanysty. Qazir О́zbekstan shetelde, negizinen Qazaqstan, Qyrǵyzstan jáne Tájikstanda oqyp jatqan barlyq jastary úshin óz elinde bilimin jalǵastyrýǵa jaǵdaı jasap, olardy keri shaqyryp jatyr. О́zbekstan joǵary oqý oryndarynda óz azamattary úshin kvota men granttardyń sanyn kóbeıtti» dedi ol.
Osyǵan deıin ózbek basylymdary Reseıdiń joǵary oqýy oryndary Tashkentten fılıaldaryn ashýǵa nıettti bolyp otyrǵanyn jazǵan bolatyn. 2019 jyldyń 9 jeltoqsan kúni Máskeý memlekettik halyqaralyq qatynastar ýnıversıteti óziniń tarıhynda alǵash ret tashkentten fılıalyn ashqan. Oǵan О́zbekstan Prezıdentiniń keńesshisi, Dúnıejúzilik ekonomıka jáne dıplomatııa ýnıversıtetiniń rektory A.A. Abdývahıtov, О́zbekstannyń Syrtqy ister mınıstri A.H.Kamılov jáne Máskeý memlekettik halyqaralyq ýnıversıtetiniń A.V. Torkýnov qatysqan.
Al keshe tús aýa Reseı Federasııasynyń ǵylym jáne joǵary bilim mınıstrligi 2024 jylǵa deıin sheteldik stýdentterdi qabyldaýǵa úkimettik kvota eki ese kóbeıtkisi keletini belgili boldy. Bul týraly RF Bilim jáne ǵylym mınıstriniń orynbasary Alekseı Medvedev búgin habarlady. Demek Reseı, basqa memleketterdiń ulttyq kadrlary retinde daıyndalatyn stýdentterge arnalǵan kvotany keńeıtýge sheshim qabyldady. Bilim alǵannan keıin Reseı Federasııasynyń azamattyǵyn alýǵa múddeli otandastaryn da eskerip otyr. Sonymen, bas aıaǵy bir kúnniń ishinde ózbek aǵaıyndarymyz alys-jaqyn shetelderde bilim alyp júrgen otandastaryn elderine shaqyrsa, orystar sheteldik ıntelektýaldarǵa tegin grant berip, qataryna qosýǵa múddeli bolyp otyr.
Demek bizge de jan-jaqqa shashylyp ketken stýdentterimizge ıelik etetin kez keldi.
