Atalmysh gadjet qazir patenttelý ústinde. Bul quraldyń ishinde prosessory bar arnaıy modýl bolady. Modýlda aqparat saqtaıtyn qurylǵy, batareıa blogy jáne málimet almasatyn taratqysh ornalasady. Oǵan qosa maska aýany fıltrden ótkizip tazalaıdy.
Lastanǵan aýanyń mólsherin anyqtap, paıdalanýshy qansha ýaqyt maskany kıip júrgenin kórsetip turady. Maskany qoldanba arqyly smartfonnan baqylaı alasyz. Iаǵnı, aýanyń quramyn qadaǵalap, aqparattardy salystyryp otyrýǵa múmkindik bolady.
Maskada adamnyń qalaı jáne qandaı aýamen dem alǵany nemese qansha ýaqyt qozǵalysta bolǵany sııaqty faktorlardy tirkeıtin birneshe gıroskop pen datchık jumys isteıdi. Osy málimetter negizinde qoldanbadan qandaı aýamen dem alyp júrgenińiz, onyń zııany jáne maska qanshalyqty paıdaly bolyp jatqany týraly bile alasyz.
Ázirge gadjet týraly relız bolmaǵandyqtan onyń baǵasy men basqadaı tehnıkalyq sıpattamalaryn aıtýdyń reti joq. Sol sebepti de qulaǵymyz túrik júrse, jaqyn bolashaqta bul maska týraly jańalyqtardan tolyq aqparat alatyn bolamyz.
