Alaıda jýyrda ǵana jattyǵý barysynda GGG jaraqat alyp qaldy. Sol sebepti de qazaqstandyq boksshynyń komandasy aıtýly uıym basshylaryna sáýirde ótýge tıis jekpe-jekti birer aıǵa keıingi shegerý jóninde ótinishi bildirdi. Eger IBF qoldasa, onda qos myqty arasyndaǵy báseke mamyr aıynyń sońynda nemese maýsym aıynda ótýi múmkin.
Jalpy Kamıl Sheremeta da osal boksshy emes. 30 jastaǵy Polshanyń týmasy 2012 jyldan beri kásipqoı rıngte kúsh synasyp júr. Sol aralyqta 21 kezdesý ótkizip, barlyǵynda jeńiske jetti. Bes kezdesýdi merziminen buryn aıaqtady. Osy tabysynyń arqasynda orta salmaqta Eýropa chempıony degen ataqqa qol jetkizdi. Búgingi tańda Polsha boksshysy WBC pen WBA nusqalary boıynsha úzdik úshtiktiń qatarynda.
