Esimderi joǵaryda atalǵan bylǵary qolǵap sheberleriniń barlyǵynyń jolyna barsha qazaqstandyq jankúıerler úlken úmitpen qarap otyr. Olardyń barlyǵy da talaı daryndy jastyń tomaǵasyn sypyrǵan belgili bapker Saǵatbek Musahanovtyń shákirtteri.
Máselen, 29 jastaǵy Janqosh Turarovtyń kásipqoı rıngte kúsh synasyp júrgenine 10 jyldan asty. Sol aralyqta 24 kezdesý ótkizgen ol barlyǵynda jeńiske jetti. 17 qarsylasyn nokaýtqa jiberdi. Ol birinshi jartylaı orta salmaqta aıqasýda.
26 jastaǵy Álı Baloev birinshi orta salmaqta baq synap júr. О́ziniń barlyq toǵyz jekpe-jeginde jeńiske jetken jerlesimiz jeti básekeni merziminen buryn aıaqtady.
Jastaıynan jasyndaı jarqaraǵan asa jeńil salmaqtaǵy Eskendir Harsan qatarynan jeti jekpe-jekte jeńiske jetip, sonyń altaýynda qarsylastaryn esinen tandyryp, barsha kórermenniń ystyq yqylasyna bólengen edi. Alaıda byltyr jeltoqsan aıynda Almatyda ótken kezdesýde ol jeńilstiń kermek dámin atty.
Mine, endi «MTK Kazakhstan» kompanııasynyń aıtýly úsh boksshysy endi AQSh-qa attanyp, 15 naýryzǵa deıin dańqy jer jarǵan Floıd Meıvezerdiń zalynda daıarlanady.
