Halyqtyń 89,2%-y jańa Konstıtýsııa jobasyn qoldaıdy

Arman Qyryqbaev atap ótkendeı, Memleket basshysy jańa Konstıtýsııany usyna otyryp, jalpy eldiń konstıtýsııalyq damý fılosofııasyn ózgertti.

«Jańa Konstıtýsııanyń negizgi avtory Memleket basshysy ekenin túsiný mańyzdy. Onyń memleket qurylysy salasyndaǵy zor tájirıbesi men halyqaralyq uıymdardaǵy kóp jyldyq qyzmeti eldiń konstıtýsııalyq damýyna qatysty zamanaýı ustanymdy qalyptastyrýǵa múmkindik berdi. Prezıdent joba erejelerimen jeke ózi jumys istedi», dedi A.Qyryqbaev.

Spıker Ata zańnyń jańa jobasyna Prezıdent 2019 jyldan beri dáıekti túrde júzege asyryp kele jatqan negizgi ıdeıalar men reformalar engenin atap ótti.

Abzal Quspan: Jańa Konstıtýsııa adamǵa baǵyttalǵan memlekettik basqarýdyń jańa fılosofııasyn qalyptastyrady

«Zań men tártip», «Taza Qazaqstan», «Ádiletti Qazaqstan», «Adal azamat» sııaqty taǵy basqa qaǵıdalar Konstıtýsııanyń jańa jobasynda óz ornyn tapty. Shyn máninde, jańa Konstıtýsııa jobasy Memleket basshysy 2019 jyldan beri iske asyryp kele jatqan saıası baǵyttyń kvıntessensııasyna aınaldy», dedi ol.

A. Qyryqbaevtyń aıtýynsha, bul reformanyń baǵyttaryn Prezıdent jobany ázirleı bastaǵanǵa deıin belgilegen.

«Bul ulttyq egemendikti nyǵaıtý, bıliktiń aýysýy modelin bekitý, ekologııalyq jaýapkershilikti kúsheıtý men adamǵa baǵdarlanǵan memlekettik basqarý júıesin qalyptastyrý týraly», dep túsindirdi ol.

Onyń pikirinshe, qoǵamnyń jańa Konstıtýsııa jobasyn jappaı qoldaýyn osymen túsindirýge bolady. Qazaqstandyq qoǵamdyq damý ınstıtýty júrgizgen saýalnamaǵa sáıkes, halyqtyń 89,2%-y jańa Konstıtýsııa jobasyn qoldaıdy.

Jańa Konstıtýsııa jobasy sot táýelsizdigi men quqyq ústemdigin kúsheıtedi

«Azamattar jańa Konstıtýsııadan sońǵy jyldardaǵy reformalardyń logıkalyq jalǵasyn kórip otyr. Munda «Ádiletti Qazaqstan» tujyrymdamasy el damýynyń basty ıdeologııalyq negizi retinde bekitilgen. Sondyqtan jobany qoldaý – bul pozıtıvti ózgerister men Qazaqstan memlekettiligin odan ári nyǵaıtýdy qoldaý», dep túıindedi A. Qyryqbaev.

Sondaı-aq, ınteraktıvti formatta (erkin pikir almasý) ótken kezdesýge sarapshylyq-taldaý qaýymdastyǵynyń ókilderi, Májilis depýtattary, jastar uıymdarynyń lıderleri («Jańa Adamdar», «Jastar Rýhy», «Dala Qyrandary», «Qazaqstan jastary kongresi», «Esirtkisiz bolashaq» jáne basqalary), kreatıvti ındýstrııa ókilderi qatysyp, reformalardyń zamanaýılyǵyn atap ótti jáne Jańa Konstıtýsııaǵa qoldaý bildirdi.

Aıda Balaeva: Jańa Konstıtýsııa sóz bostandyǵyna kepildik beredi