Zaýyttyń baspasóz qyzmetinen málim etkendeı, tehnologııalyq is-shara kezinde peshtiń ónimdik ırektútigi býmen jaǵyp tazartylady.
«Bul prosedýra Qazaqstan Resepýblıkasynyń ST 3517-2020 ulttyq standarty talaptaryna sáıkes qubyrlardyń ishki bólikterin koks shógindilerinen reglamenttik tazartý aıasynda júzege asyrylady. Energetıka mınıstrligi jyl saıyn bekitetin munaı óńdeý zaýyttaryndaǵy josparly aldyn alý jumystarynyń kestesine engiziledi. Baıaý koksteý qondyrǵysyndaǵy josparly jumystar AMО́Z-diń naýryz aıynda jeńil munaı ónimderin óndirý josparyn oryndaýǵa áser etpeıdi. Osy kezeńde zaýyt táýligine 3,5 myń tonna benzın, 4,5 myń tonna dızel otyny men 0,6 myń tonna avıaotyn óndirýdi jalǵastyrady», dep habarlady zaýyttyń baspasóz qyzmeti.
Eske sala ketelik, buǵan deıin Atyraý ekologteri munaı óńdeý zaýytyn áli tekserip jatqanyn jazǵan edik.
