Qorǵanys mınıstri general-maıor N.Ermekbaevtyń tóraǵalyǵymen ótken keńeıtilgen otyrysqa Qazaqstannyń Sybaılas jemqorlyqqa qarsy is-qımyl agenttigi tóraǵasynyń birinshi orynbasary O.Bektenov pen Qazaqstannyń QK Bas shtaby jáne QM qurylymdyq bólimsheleri basshylary qatysty.
Keńeıtilgen otyrysta QM orynbasary general-maıor T.Dándibaev komıssııanyń jańa tóraǵasy retinde tanystyryldy.
Otyrysta QK sybaılas jemqorlyqty azaıtý men aldyn-alý sharalaryn odan ári jetildirýdiń jańa ádisteri usynylyp, komıssııa qyzmeti qorytyndylandy. Áskerı qyzmetshilerdiń qaýipsizdigin qamtamasyz etý jáne sybaılas jemqorlyqtan qorǵaýdy qamtamasyz etý úshin júıeli sharalar jarııalandy, olar jaqyn arada qabyladanatyn bolady.
Biraz ýaqyt buryn mınıstrdiń sheshimimen áskerı polısııa bas basqarmasynyń sybaılas jemqorlyqqa qarsy is-qımyl jónindegi basqarmasyna ishki qaýipsizdik ókilettikteri men fýnksııalaryn berý qabyldanǵan bolatyn.
Budan basqa, sybaılas jemqorlyq quqyq buzýshylyq faktisi týraly habarlaǵan nemese áskerı ortada sybaılas jemqorlyqtyń aldyn alýǵa ózge de túrde járdemdesetin adamdardy kótermeleý júıesin belsendi paıdalaný usynyldy.
«Qarýly Kúshter qatarynda bolyp jatqan sybaılas jemqorlyq faktilerine eshkim tózýge nıetti emes. Biz únsiz qalmaýymyz kerek. Áskerdi osyndaı áleýmettik zulymdyqtan tazartý sharalaryn qoldanýymyz kerek. Laýazymdy tulǵalar úshin «jemqorlyq» sózi tózbeýshilik pen sybaılas jemqorlyqqa qarsy turaqtylyq sezimin týdyrýy kerek.Qarýly Kúshter – memleket turaqtylyǵynyń negizi, sondyqtan bizdiń qatarymyzda sybaılas jemqorlyqty azaıtý mańyzdy», - dep atap ótti Qorǵanys mınıstri.
Sonymen qatar, otyrys barysynda Memleket Basshysynyń Joldaýyn júzege asyrý aıasynda áskerı qyzmetshilerdiń sybaılas jemqorlyqqa qarsy mádenıetin qalyptastyrý jáne azamattardyń senimin arttyrý úshin «Qarýly Kúshter - Adaldyq Alańy» jobalyq keńsesi, jeke jáne zańdy tulǵalardyń kedergisiz qol jetkizý terezesi ashyldy. Onda barlyq nıet bildirýshiler 442570, 442571, 442575, 474937 senim telefondary arqyly sybaılas jemqorlyqtyń kez kelgen faktileri týraly habarlaı alady.
Budan bólek áskerı áskerı qyzmettiń qaýipsizdigi jáne eńbekti qorǵaýdy basqarmasy qurylǵan bolatyn. Atalǵan basqarmanyń mindetine áskerı qyzmettegi qaýip-qaterlerdi anyqtap, qaýipsizdikti qamtamasyz etý bolyp tabylady.
Otyrys qorytyndysy boıynsha barlyq dárejedegi jáne deńgeıdegi komandırlerge áskerı ortadaǵy sybaılas jemqorlyqty joıý boıynsha jumysty jandandyrý tapsyryldy.Sybaılas jemqorlyqty joıýda árbir áskerı qyzmetshiniń jeke jaýapkershiligi men tártibi mańyzdy ról atqarýy tıis. Ol úshin QR QK-diń júıesinde sybaılas jemqorlyqqa qarsy standarttar, ádep normalary, sondaı-aq sybaılas jemqorlyq táýekeli joǵary laýazymǵa taǵaıyndaý kezinde kandıdatýralardy qarastyratyn attestattaý komıssııalarynyń qyzmeti uıymdastyrylyp,qoldanylady.
Aıta ketý kerek, sybaılas jemqorlyqty azaıtý Qorǵanys mınıstrliginiń basym baǵyttarynyń biri bolyp tabylady. Qorǵanys vedomstvosy sybaılas jemqorlyqty elimizdiń qorǵanys qabiletine qaýip retinde qarap, Sybaılas jemqorlyqqa qarsy is-qımyl agenttigimen tyǵyz baılanysta jumys jasaıdy. Áskerı qyzmetshiler tarapynan, sondaı-aq basqa da memlekettik organdardyń ókilderi men azamattar tarapynan sybaılas jemqorlyqpen quqyqbuzýshylyqqa jol berilgeni týraly túsken aqparat quzyrly organdarǵa beriledi. Birlesip ázirlengen sharalar eń aldymen áskerı ortadaǵy sybaılas jemqorlyqtyń aldyn alýǵa baǵyttalady.
