Medısına • 24 Aqpan, 2020

Kardıolog-dárigerler professor Denıs Andreevtiń sheberlik dárisine qatysty

35 ret kórsetildi

Elimizdiń ár aımaǵyndaǵy kardıolog-dárigerler Reseıdegi I.Sechenov atyndaǵy Birinshi Máskeý memlekettik medısınalyq ýnıversıtetiniń professory Denıs Andreevtiń sheberlik dárisine qatysý úshin Almatyǵa jınaldy.

Almatyda Kardıologııa jáne ishki aýrýlar ǴZI bastamasymen jáne dıskýssııalyq klýb sheńberinde professor Denıs Andreevtiń qatysýymen sozylmaly júrek-qantamyr aýrýlary bar pasıentterde júrek-qantamyry qaıǵyly jaǵdaılaryn azaıtý jónindegi sheberlik klasy ótti.

Sheberlik dárisi kezinde «Júrekshe fıbrıllıasııasy bar pasıentterdegi ınsýlt pen tamyr embolııasy profılaktıkasynyń praktıkalyq aspektileri», «Sozylmaly júrek-qantamyr aýrýlary bar pasıentterde júrek-qantamyr qaýpin  qalaı azaıtýǵa bolady» taqyryptary talqylandy.

Instıtýttyń jetekshi ǵylymı qyzmetkeri, kardıologııa kafedrasynyń dosenti Kúlzıda Qoshymbaeva atap ótkendeı, júrek-qantamyr aýrýlary jylyna shamamen 17 mln ólim-jitimge sebebi bolyp otyr. Bul barlyq qaıǵyly jaǵdaıdyń shamamen úshten bir bóligin quraıdy. Olardyń ishinde júrektiń ıshemııalyq aýrýy jáne serebrovaskýlıarlyq aýrýlar jetekshi orynda. Olardyń úlesine JQA bolatyn barlyq ólimniń shamamen 85 paıyzy tıesili. Sońǵy 15 jylda osy dertter dúnıejúzinde, onyń ishinde Qazaqstandaǵy ólim-jitimniń basty sebepkerine aınaldy.

Sheberlik klass sheńberinde praktıkalyq densaýlyq saqtaý mamandary: Almaty qalasy men ońtústik aımaqtardyń medısınalyq uıymdarynyń kardıologtary, terapevteri jáne jalpy praktıka dárigerleri klınıkalyq zertteýlerdiń jańa jetistikteri men nátıjeleri, júrekshe fıbrıllıasııa jáne mýltıfokaldyq aterosklerozy bar pasıentterdi emdeýdiń baǵdarlamalary týraly aqparat aldy.

Dıskýssııalyq klýbqa qatysýshylar reseılik jáne qazaqstandyq jetekshi ǵalymdarmen birlesip, júrekshe fıbrıllıasııasy jáne arterııalardyń mýltıfokaldyq aterosklerotıkalyq zaqymdanýy bar komorbıdti pasıentterdi emdep, qaraýdy ońtaılandyrýdaǵy kúrdeli klınıkalyq jaǵdaılardy taldady.

Osy sanattaǵy naýqastardyń ómir súrý boljamyn jaqsartýǵa múmkindik beretin terapııanyń jańa tásilderi usynyldy.

Tájirıbe almasýǵa kelgen dárigerler pikirtalasta ózderin qyzyqtyratyn barlyq suraqtarǵa jaýap aldy.

Osyndaı sheberlik klastardy ótkizý – pasıentterge kórsetiletin medısınalyq kómektiń sapasyn arttyrýǵa, respýblıkada aldyńǵy qatardy medısınalyq tehnıkalar men ınnovasııalardy damytýǵa jáne qoldanýǵa múmkindik beredi.

Sońǵy jańalyqtar

Qazaqtyń Qyz Jibegi

Rýhanııat • Keshe

Azattyq arhıtektory

Elbasy • Keshe

Aq borannyń azaptary

Aımaqtar • Keshe

Adam ómiri úshin arpalys

Aımaqtar • Keshe

Elordada órt sany azaıdy

Elorda • Keshe

Atyraýda kottedj otqa orandy

Aımaqtar • Keshe

Uqsas jańalyqtar