Saýdakenttiń sharýalary saqadaı saı

Ekonomıka • 25 Aqpan, 2020

Saýdakenttiń sharýalary saqadaı saı

119 ret kórsetildi

Aýyl adamdarynyń tirshiligi árkelki. О́zińiz oılańyzshy, úı irgesindegi alaqandaı jerden bir otbasy jylyna mıllıon teńge tabys taýyp otyr, al bir sharýalar 6 gektar jerin jalǵa berip qoıyp, jylyna bar-joǵy 150 myń teńge ǵana alyp otyr. Osy da ádildik pe? Negizi jer bos jatpaı, naǵyz jumys isteıtinderge berilýi kerek qoı. Iаǵnı jer tabys kózi bolýy tıis.

Egemen Qazaqstan

Onyń ishinde úı irgelik jer árbir otbasynyń qazynasyna, baılyǵyna aınalýy kerek. Mine, Jambyl oblysynda aýyl turǵyndarynyń tabysyn jaqsartý úshin qosalqy sharýashylyqtardy qoldaýǵa baǵyttalǵan qanatqaqty jobanyń basty maqsaty – osy. Jalpy alǵanda jeri keń Sarysý aýdanyndaǵy sharýalardyń basym kópshiligi mal sharýashylyǵymen aınalysady. Búginde 630 sharýashylyqtyń 534-i turaqty jumys júrgizýde. 9 okrýgtiń 7-inde sharýalar egistikpen turaqty aınalysyp keledi. Byltyr barlyǵy 20 292 gektar jer ıgerildi. Bul 2018 jylmen salystyrǵanda 223 gektarǵa artyq. «Jambyl oblysynyń turǵyndarynyń turmystyq tabysyn jaqsartý» jobasy qolǵa alynǵaly beri oblys turǵyndaryna nesıe retinde qarastyrylǵan 7,2 mlrd teńgeniń 841,3 mln teńgesi Saýdakent aýylyna bólinip otyr. Aýyl kórkin úı jaǵdaıy ashatyny ras. Ár úı eshkimge alaqan jaımastan, eshkimge kiriptar bolmastan eńbekqorlyq pen qanaǵattyń arqasynda alaqandaı jerden búkil áýletti asyraıtyn tabysqa kenelip jatsa, qanekı. Sondyqtan Saýdakent aýylynda jylyjaı salý, qus asyraý, baqsha ósirý jáne mal bordaqylaý alańdaryn áli de kóbeıtý qajet. Bul baǵytta «Saýdakent-2019» kooperatıvi ashylyp, jumysyn bastady. Odan bólek, «Saýdakent kredıttik seriktestigi» arqyly 5 sharýa qojalyǵy nesıe alyp, 5 «Belarýs» traktory men 12 qosalqy qurylǵylaryn aldy.

Taǵy bir aıtary, mal ónimderi men tórt túlik maldy satýdy jolǵa qoıar kez keldi. Jaıylymdyq jerlerdiń elektrondy kartasyn qalyptastyrýda Baıqadam okrýgi 69,2 paıyzdy ǵana qamtyǵan. Mal aıdaý joldary bólek rásimdelip, aýyl ákiminiń jeke qaraýyna beriletin bolady. Mal jaıylymdyǵyn retteý baǵytynda Baıqadam, Túgisken, Jaılaýkól orman alqaptarynda 532092 gektar memlekettiń orman qory bar.

Al «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy sheńberinde aýyl sharýashylyǵyn qarjylaı qoldaý qory arqyly 79 joba, «Saýdakent kredıttik seriktestigi» arqyly 18 joba jáne ekinshi deńgeıli bank fılıaldary arqyly 10 joba maquldanyp, jeńildetilgen kredıtter aldy. Sarysý aýdany boıynsha «Aýyl – el besigi» jobasy aıasynda Saýdakent pen Jaıylma eldi mekenderi enip otyr. Endi aýyl ishindegi 18 kósheniń jol jabyndylaryn orta jóndeýden ótkizý, abattandyrý, kógaldandyrý, saıabaqtardy jóndeý, kósheler jaryǵyna jyl ishinde qondyrǵylar ornatý men elektr qýaty tólemderin jasaý qujattaryn daıyndaý sekildi jumystar atqarylady.

Darıha ÚMBETIIаROVA

Jambyl oblysy,

Sarysý aýdany