Sport • 25 Aqpan, 2020

Tennıs: Iýlııa Pýtınseva Dohadaǵy dodany jeńispen bastady

90 ret
kórsetildi
1 mın
oqý úshin

Bul kúnderi birqatar memleketterde tennısten halyqaralyq týrnırler ótýde. Bul básekelerde Qazaqstannyń da ókilderi sheberlik baıqasýda.

Tennıs: Iýlııa Pýtınseva Dohadaǵy dodany jeńispen bastady

Katardyń bas shahary – Dohada WTA Premier serııasyndaǵy týrnırdiń tusaýy kesildi. Álemdik reıtıngte 32 orynda turǵan Iýlııa Pýtınseva alǵashqy aınalymda úzdikter tiziminde 98 satyǵa jaıǵasqan majarstandyq Temeıa Baboshpen kezdesti. 1 saǵat 26 mınýtqa sozylǵan bul báseke 6:3, 6:4 esebimen jerlesimizdiń paıdasyna sheshildi. 

Ekinshi kezeńde Pýtınseva álemniń 23-raketkasy, belgııalyq Elıza Mertenspen kúsh synasady. Ol tusaýkeser kezdesýinde qytaılyq Van Sıanǵa san soqtyrdy.