Dúnıejúzilik saýda uıymynyń (DSU) Bas dırektory Roberto Azevedomen kezdesý barysynda taraptar aǵymdaǵy jyldyń maýsymynda Nur-Sultandaǵy DSU-nyń 12-shi mınıstrlik konferensııasynyń daıyndyq barysyn talqylady. Turaqty jáne boljamdy halyqaralyq saýda júıesin qurý jáne DSU reformalaý kontekstinde forýmnyń joǵary ózektiligi, sondaı-aq Mınıstrlik forým qarsańynda ótkiziletin DSU máseleleri boıynsha parlamenttik konferensııanyń mańyzdylyǵy atap ótildi.
Jenevadaǵy BUU bólimshesiniń Bas dırektory Tatıana Valovaıamen ótken kezdesýde suhbattasýshylar Qazaqstannyń Jenevadaǵy BUU júıesiniń uıymdarymen yntymaqtastyǵyn jandandyrý perspektıvalary týraly pikir almasty.
M. Tileýberdi ekijaqty jáne kópjaqty yntymaqtastyq máselelerin talqylaý úshin Shveısarııa men Fınlıandııa syrtqy saıası vedomstvolarynyń basshylary Ignasıo Kassıs jáne Pekka Haavıstomen kezdesti.
