Investorlardyń alǵysy

О́ńirdiń ınvestısııalyq ahýalyn jaq­sartýǵa baǵyttalǵan kezdesýde «Protecting Business and Investments» jobasynyń kýratory, Aqtóbe oblysy ákiminiń orynbasary Qaırat Bekenov, Aqtóbe oblysynyń sybaılas jemqorlyqqa qarsy qyzmet departamentiniń basshysy Mırlan Muhambetov, sondaı-aq oblystyq ındýstrııalyq-ınnovasııalyq damý basqarmasy, «Atameken» О́KP jáne «Kazakh Invest « UK AQ óńirlik ókildiginiń basshylyǵy qatysty.

Esterińizge sala ketsek, 2018 jyldan bas­tap elimizde Qazaqstan Respýblıkasy Sy­baı­las jemqorlyqqa qarsy is-qımyl agent­­tiginiń bastamasymen «Protecting Busi­ness and Investments» jobasy jumys isteýde. Osy ýaqyt ishinde ınvestısııalyq jobalardy sybaılas jemqorlyqqa qarsy súıemeldeý jónindegi ondaǵan kelisimge qol qoıyldy.

Reseı, Qytaı Halyq Respýblıkasy, Túrkııa, Germanııa, Belarýs, Nıderland, Shveısarııa, Slovakııa sekildi memleketterden kelgen ınves­torlar, sonymen qatar jergilikti kásipkerler Aqtóbe oblysynyń Sybaılas jemqorlyqqa qarsy qyzmetine senim bildirdi.

Jobanyń tıimdiligin zańsyz qosymsha salyq esepteý, jer qatynastary men memle­ket­­­­tik satyp alý salasyndaǵy ákimshilik keder­gi­­ler­­d­i qamtıtyn máselelerdiń sheshilýi rastap otyr.

О́tkizilgen keńes sheńberinde neırohırýrgııa jáne travmatologııa salasynda joǵary teh­nologııalyq ımplant buıymdardy óndirýdi jú­zege asyratyn Belarýs Respýblıkasynyń ın­­ves­­tory «Qazmedbıoteh» JShS, sondaı-aq gaz tol­tyrý stansalaryn salýmen aınalysatyn «Port Impex» JShS jergilikti ınvestorymen sy­baı­las jemqorlyqqa qarsy kelisimge qol qoıyldy.

M.Muhambetovtiń aıtýynsha, aldaǵy ýaqyt­ta da ınvestorlardyń qyzmetine keder­gi kel­tirý­diń árbir faktisine jedel jáne prın­sıp­ti túrde áreket etý kózdelip otyr. Aldyn alý sha­ra­­laryna nazar aýdara otyryp, sybaılas jem­qor­lyqqa qarsy qyzmet ınvestısııalyq joba­larǵa óziniń qatysýyn birden belgileıtin bolady, bul sheneýnikter úshin tejeýshi faktor bolýy tıis.

AQTО́BE