- «Nurly jol» baǵdarlamasynyń arqasynda oblys aýmaǵyndaǵy «Taldyqorǵan – О́skemen», «Úsharal – Dostyq», «Kúrti – Býrylbaıtal», «Uzynaǵash – Otar» kólik joldaryna jańartý jumystary júrgizilýde. Nátıjesinde, barlyq standarttarǵa saı keletin 1526 shaqyrym jol iske qosylady. Bul oblystyń tranzıttik áleýetiniń odan ári ulǵaıýyna jaǵdaı jasaıdy. Boljam boıynsha, jergilikti mańyzy bar jáne aýyl ishilik joldardyń da sapasy tómen bolmaýy tıis. Qazir ishki jol sapasy 81 paıyzǵa deıin jaqsardy. Qalǵandary qanaǵattanarlyq jaǵdaıda. Bıyl bul kórsetkish 84 paıyzǵa jetedi. Sondaı-aq, oblystyq jáne aýdandyq mańyzdaǵy 492 shaqyrym jol tolyqtaı jáne 108 eldi mekenniń ishki joly jóndeýden ótedi, - dedi oblys ákimi Amandyq Batalov.

Jalpy, aımaqtaǵy avtokólik jolynyń uzyndyǵy 9610 shaqyrymdy quraıdy eken. Onyń ishinde 2822 shaqyrymǵa respýblıkalyq jol mártebesi berilgen. Al 6788 shaqyrym qatynas joly oblys aýmaǵyndaǵy aýdan men aýyldardy jalǵap jatyr. Oblys turǵyndaryn osy jergilikti  joldyń sapasy tolǵandyryp otyr. О́ıtkeni, aımaqtaǵy joldyń 20 paıyzdan astam bóligi áli de jóndeýdi qajet etedi. Iаǵnı, qazirge deıin ishki baǵyttaǵy joldyń sapasy 81 paıyzǵa ǵana jetip otyr. Osy jyly bul kórsetkish taǵy 3 paıyzǵa artady. Buǵan 40 mıllıard teńge jumsaý kózdelip otyr. Al jol sapasyn jaqsartýǵa ótken jyly 38,8 mıllıard teńge qarjy bólinip, ıgerilgen. Bul aqshaǵa 62,5 shaqyrym jol kúrdeli jóndeýden ótse, 190,3 shaqyrym jolǵa ortasha jóndeý jasalǵan. Taǵy 25 shaqyrym jol qaıta jańǵyrtylyp jáne jańadan salyna bastaǵan. Sondaı-aq, aǵymdaǵy jóndeý jumysy 294 000 sharshy metr aýmaqqa júrgizilgen eken.

Taǵy bir jańalyq, «Nurly jol» baǵdarlamasynyń 2020-2025 jyldarǵa arnalǵan kezeńi bastaldy. Iаǵnı, jol qurylysyn júrgizýge bólinetin qarjynyń negizgi úlesi osy baǵdarlama aıasynda jumsalmaq. Jospar boıynsha bıyl elimizde 9,8 myń shaqyrymǵa jetetin avtokólik jolyna jóndeý jumysy bastalady. 2,6 myń shaqyrym joldy jyl sońyna deıin paıdalanýǵa berý mindeti tur. Al osy maqsatqa 750 mıllıard teńge jumsalmaqshy. Bul jumystyń sharapaty óńirlerdi de qamtyp, jol sapasy jaqsara túsetdi degen senim bar. Mysalǵa, «Nurly jol» baǵdarlamasy boıynsha bólingen qarjyǵa Almaty oblysynan 18 joba engizilgen. Qazirdiń ózinde 5 baǵyttaǵy jol qurylysyn qarjylandyrý jalǵasyn tapty. Bul qatarda  Taldyqorǵan – О́skemen, Kúrti – Býyrylbaıtal, Uzynaǵash – Otar, Qapshaǵaı – Kúrti, Úsharal – Dostyq trassalary tur.

Taqyrypqa oralsaq, Memleket Basshysy Qasym-Jomart Toqaev tergen tapsyrmaǵa sáıkes ishki qatynas joldarynyń sapasyn jaqsartýǵa qatysty birshama is atqaryldy. Osy jerde ishki joldardyń sapasy týraly aıtqanda, aýyldardaǵy jaǵdaıdy eskerýimiz kerek. Naqty is barysyn baǵamdaý úshin biz Kóksý aýdany boıynsha istelgen jumysty zerdelep kórgen edik. Bul aýdandaǵy avtokólik jolynyń uzyndyǵy 490 shaqyrymǵa jetedi eken. Onyń ishinde 56 shaqyrym trassa respýblıkalyq mańyzy bar jol sanatynda. Al 204 shaqyrymdyq jol oblystyq mańyzǵa ıe.

- Aýdan aýmaǵyndaǵy jergilikti jol 230 shaqyrymdy quraıdy. Munyń 60 paıyzynyń jaǵdaıy jaqsy, ıaǵnı asfalt tóselgen joldyń uzyndyǵy 138 shaqyrym shamasynda. Qalǵan 73,6 shaqyrym jolǵa qıyrshyq tas tóselgen, al topyraq tóselgen joldyń kólemi  18,4 shaqyrym. Bizdiń aldymyzda osy joldardyń sapasyn jaqsartý mindeti tur, - deıdi Kóksý aýdanynyń ákimi Almas Ádil.

 О́tken jyly aýdannyń ishki joldaryn jóndeýge barlyǵy  403 706 000 teńge bólingen eken. Bul qarjyǵy Balpyq bı aýylynyń Amangeldi, Qonaev jáne Kóksý beketiniń Oraqty batyr kósheleriniń joldaryna kúrdeli jóndeý jasalǵan. Sondaı-aq, Balpyq bı aýylynyń Myrzabekov, Terekti aýylynyń Kommýnıstıcheskıı, Aqshatoǵan aýylynyń Ordjonıkıdze, Alǵabas aýylynyń Kómekbaı, Qyzyltoǵan aýylynyń Nurahmet, Aqtekshe aýylynyń Maqulbekov, Boztoǵan aýylynyń Qundaqbaeva kóshelerine ortasha jóndeý jáne Labasy, Muqanshy, Muqyry, Eńbekshi, Balpyq aýyldyq okrýgterindegi  eldi mekenderdegi joldarǵa aǵymdaǵy jóndeý jumystary júrgizilipti. Jáne aýdandyq bıýdjetten eldi mekenderdiń ishki jolyn ortasha jóndeýden ótkizýge 22 425 000 teńge qarajat bólingen. «О́ńirlerdi damytý» baǵdarlamasy aıasynda da aýyl ishindegi joldardy jasaýǵa qarjy buıyrypty. Iаǵnı, Aınabulaq beketiniń Aǵybaı batyr kóshesine qıyrshyq tas tóseý úshin jumsalǵan 1 099 000 teńge, Aqtekshe aýylynyń Súgirov kóshesine qıyrshyq tas tóseýge ketken 1 502 000 teńge jáne Kóksý beketiniń Áýezov kóshesine qıyrshyq tas tóseýge bólingen 4 261 000 myń teńge qarajat osy baǵdarlamaǵa kiredi. Qazir aýdan boıynsha jol jóndeýge qatysty bólingen qarjy tolyq ıgerilip, jańǵyrtý jumystary aıaqtalǵan.

Aıtpaqshy, oblystaǵy jol sapasynyń jaqsarýyna qomaqty qarjy ǵana emes, qurylys jumysyn júrgizetin mamandardyń biliktiligi de yqpal etetini sóz. Ekinshi jaǵynan alǵanda bul óńirdegi jumyspen qamtý saıasatyna da oń áserin tıgizbek. Oblys ákimi Amandyq Batalov bul týraly da aıtqan edi.

- Jol qurylysynyń jandanýy jergilikti jer úshin ekonomıkalyq tabys ákeledi. Basqany aıtpaǵanda, adamdardy jumyspen qamtýǵa oń áser etedi. Byltyr jol qurylysyna eki myńǵa jýyq jumysshy tartylǵan. Negizgi  mamandyq ıelerinen basqasy jergilikti turǵyndar. Jalpy, jol qurylysyna qajet mamandardy ózimiz oqytyp, daıyndaýymyz kerek. Aýyl turǵyndaryn suranysqa ıe mamandyqtar boıynsha qaıta daıarlaýǵa mán berip otyrmyz. Búginde bul salaǵa dánekerleýshi, kran júrgizýshisi, traktorshy, mashınıst sııaqty mamandar óte qajet. Biz turǵyndardy oqytýǵa, úıretýge qarjy bólip, jaǵdaı jasadyq, - deıdi Almaty oblysynyń ákimi Amandyq Batalov.

Almaty oblysy