Aımaqtar • 26 Aqpan, 2020

Qujattary minsiz, isteri ónimsiz

10 ret kórsetildi

Bıylǵy jyldyń qys aılary da aıaqtalyp keledi. Qystyń aty -  qys. Onyń borany men burqasyny, qary men kóktaıǵaǵy bir-birimen almasyp kelip turady. Osyndaı tabıǵat qubylystarynan keıin ile-shala tazalaý jumystary, nemese kóktaıǵaqtyń qaterin joıý jónindegi sharalar júrgizilmese, turǵyndardyń taıyp jyǵylyp, aıaq-qolyn syndyryp alýy ábden múmkin. Solaı bolyp ta júr. Onyń aldyn alýdyń basty bir joly kóshelerdegi qardy tıep, qalanyń syrtyna tasymaldaý jáne muzdaqtyń ústine qum, nemese tuz sebý jumystaryn júıeli túrde júrgizý bolmaq.

Áıtse de Aqtóbe qalasynda bulaı bolmaı otyr. Aqtóbe qalalyq ákimdigi tarapynan atalǵan isterdi atqarýmen aınalysatyn merdigerlik kompanııalarǵa qoıylatyn talaptyń tómendiginen kóktaıǵaq qateri tyıylar emes. Sonyń saldarynan turǵyndar ártúrli jaraqattar alyp,oqýshylar mektepterine jete almaı, qulap-súrinip jatyr.

Oblys ortalyǵynda qala kóshelerin qardan jáne kóktaıǵaqtan tazalaý jumystaryn segiz kompanııa memlekettik satyp alýlar kezinde utyp alypty. Sol ýaqytta qujattarynda eshqandaı min bolmasa, keıinnen «túıelerin kópirden ótkizip alǵan» soń olar jumysshylar sanynyń azdyǵyn jáne tehnıka jetispeýin kóldeneń tartyp ártúrli syltaýlardy qaptatyp jibergen. Búgingi kezde memleket qarjysyn taqymdaryna basyp alǵan «Avtolaın», «Tabys el», «Boshan Trans Avto», «Erhat joldary», «Kokvest», «Barlyq Qurylys» JShS kompanııalary jalpy kólemi 5,5 mıllıon sharshy metr quraıtyn 711 kósheni qar men kóktaıǵaqtan arshýy tıis. Áıtse de olardyń qazirgi is-qımyldary mardymsyz, ónimsiz, tipti joqqa tán ekeni qala turǵyndarynyń oryndy ókpe-renishterin týǵyzyp júr.

Aqtóbe qalasynda ótkiziletin memlekettik satyp alý jónindegi konkýrstar kezinde memleket qarjysy osylaı tekten-tekke shashylyp kete bere me? Talas joq, bul jaǵdaıda jergilikti atqarýshy organdar tarapynan belgili bir kompanııalarǵa qoıylatyn talaptyń tómendigi men kelisimsharttardyń bosań, jalpylama jasalǵandyǵy aıqyn kórinedi. Bunyń ózi eń aldymen Aqtóbe qalasynyń ákimi Mavr Abdýllınniń qyzmetine úlken syn bolmaq. Sondyqtan da aldaǵy ýaqytta mundaı ústirtter men olqylyqtardan sabaq alynyp, árbir merdiger kompanııanyń atqaratyn qyzmetiniń atqaratyn qyzmetiniń aýqymy men kólemi naqty kórsetilse, enjarlyq men sylbyrlyq jáne saldyr-salaqtyq kórinisteri qaıtalanbasy haq.

Al ázirge óńirde qomaqty kólemdegi memleket qarajatyn konkýrs arqyly ıemdenip, soǵan saı tıisti qyzmetterin atqarmaǵan merdiger uıymdardyń qyzmeti alaıaqtyq áreketpen teń ári soǵan parapar qubylys retinde baǵalanyp otyr.

 AQTО́BE

Sońǵy jańalyqtar

Qazaqtyń Qyz Jibegi

Rýhanııat • Keshe

Azattyq arhıtektory

Elbasy • Keshe

Aq borannyń azaptary

Aımaqtar • Keshe

Adam ómiri úshin arpalys

Aımaqtar • Keshe

Elordada órt sany azaıdy

Elorda • Keshe

Atyraýda kottedj otqa orandy

Aımaqtar • Keshe

Uqsas jańalyqtar