Jurt tilegi nazarǵa alyndy

Osy syndy máseleler Nur Otan partııasy Tóraǵasynyń birinshi orynbasary Baýyrjan Baıbektiń Túrkistan oblysyna issapary barysynda tur­ǵyn­darmen kezdesýinde kóterildi. Oty­rarlyqtar aıtqan máselege qatysty oblys ákimi О́mirzaq Shókeev jylý qazandyǵyn salýǵa, júıelerdi jańalaýǵa bıýdjetten 700 mln teńge qaral­ǵa­nyn jetkizdi. Másele jyl so­ńyna deıin tolyǵymen she­shi­ledi. Negizgi qazandyqtyń qu­ry­lysyna qarajat qaralǵan. Aýyl tur­ǵyndary kótergen máse­leni sheshý partııa baqylaýyna alyndy.

Al «Otyrar» murajaıynda óńir­­diń zııaly qaýymymen kezde­sýinde B.Baıbek elde atqa­rylyp jat­qan jumystar men partııalyq tapsyr­ma­lardyń oryndalý barysyn baıandap, saıası uıymnyń aldaǵy josparlarymen bólisti.

Partııa elimizdegi ózekti máse­lelerdiń ashyq aıtylýyna aıtys óneri arqyly septigin tıgizbek. Bul oraıda bıyl elimizde 70-ten astam aıtys partııa uıymdas­ty­rýymen ótkiziledi. «Biz aıtys ónerin qoldaý arqyly máse­le­­lerdi ashyq kóteremiz. Sol úshin aıtyskerlerdi qoldaımyz. Jal­py, aıtys qazaqtyń kóneden kele jat­qan dástúri. Sondyqtan ony qol­daý kerek»,  dedi B.Baıbek.

Sondaı-aq Túrkistan oblysy­nyń zııaly qaýym ókilderimen kezdesýde kópti tolǵandyryp júrgen ádebıet jaıy, eldiń yntymaq-birligin nyǵaıtý tara­pyndaǵy usynys-pikirler ortaǵa salyndy. Mysaly, halyqaralyq «Alash» ádebı syılyǵynyń laýreaty, jazýshy Marhabat Baıǵut Túr­kis­tan qalasynan «Ádebıet álemi» orta­lyǵyn ashýdy usyndy. Bul joba júze­ge assa, ǵımaratsyz júrgen jazýshy­lar men jýrnalıster odaqtarynyń fı­lıaly sonda ornalasyp, jańa oblys ortalyǵyn qalyptastyrýǵa yq­pal etedi. Túrli ádebıet úıir­mele­ri ashylyp, jas aıtyskerler men jaz­ba aqyndar, jazýshylar bas qosa­tyn óner ortalyǵyna aınalady dep esep­teıdi jazýshy. Sonymen qatar basqosý barysynda ál-Farabı jáne Abaı syndy oıshyldarymyzdyń mereı­­toılaryn taǵylymdy deńgeıde ótkizý jaıy qozǵaldy.

Túrkistan qalasynda belsendi jas­tarmen kezdesip, birqatar má­sele­ni talqylap, pikir al­mas­qan  par­tııa Tóraǵasynyń birin­shi orynbasa­ry saparyn Jetisaı aýdanynda jal­ǵas­tyrdy. Abaı aýyldyq okrý­ginde­gi kezdesýde sharýa qoja­lyq­tary­nyń tóraǵalarymen birge aǵyn sý, sýb­sıdııa máseleleri talqy­lan­dy. Al Qa­zy­bek bı aýyldyq okrý­ginde «Qamqor­lyq» baǵdar­lamasy boıynsha qoldaý kór­se­tiletin jaǵdaıy tómen otbasy­lar­­men, Jetisaı qalasynda densaý­lyq saqtaý salasynyń qyzmet­kerlerimen kezdesti.

B.Baıbek óńirge Elbasy tapsyrmasy boıynsha aldaǵy bes jylǵa aýdandar­dy, qalalardy jáne ob­lys­­­tardy damytýdyń jańa baǵdar­lamasyn ázirleý maq­sa­tyndaǵy jumys­tar aıasynda kelgenin aıta ketelik. Atalǵan baǵdarlamada árbir jekelegen óńirdiń jergilikti erekshelikteri eskerilip, azamattardyń naqty qajet­ti­likteri kórinis tabatyn bolady. Osy jumystardyń aıasynda Nur Otan par­tııasynyń basshylyǵy elimizdiń barlyq óńirin, tipti shalǵaı eldi meken­derine deıin aralap shyǵýdy kózdep otyr. Túr­kistan oblysyna sapary barysynda B.Baıbek óńir turǵyndary kótergen máse­lelerdiń oń sheshimin tabýy tikeleı partııa baqylaýyna aly­natyndyǵyn jetkizdi.

Túrkistan oblysy