2017 jyldyń 12 sáýirinde qoǵamdyq sanany jańǵyrtýǵa baılanysty Qazaqstan Respýblıkasy Tuńǵysh Prezıdenti N.Á.Nazarbaevtyń «Rýhanı jańǵyrý» maqalasy jarııalandy. Búgingi kúni «Rýhanı jańǵyrý» jobalyq keńsesi baǵdarlamalyq maqaladaǵy 6 negizgi baǵyt boıynsha 13 arnaıy jobany júzege asyryp jatyr. Nur-Sultan qalasy boıynsha «Rýhanı jańǵyrý» jobalyq keńsesi janynda «Rýhanı jańǵyrý» oqý ortalyǵy jumys isteıdi. Jobalyq keńse 2019 jyly 275-ten astam is-sharalar júzege asyrdy, 1 253 424 adam baǵdarlamamen qamtyldy. Bilim berý ortalyǵynyń «Rýhanı jańǵyrý» baǵdarlamasynyń maqsaty men mindetterin qamtıtyn oqý baǵdarlamasy daıyndaldy. Byltyr semınar-trenıngpen qalanyń 32 kolledji, 87 jalpy bilim berý mekemeleri, 11 qosymsha bilim berý jáne 17 mádenı nysandarynyń 250 qyzmetkeri qamtyldy. Al elordanyń sakraldy nysandary boıynsha ekskýrsııaǵa 450 adam qatysty.
Sonymen qatar qalanyń orta jáne bilim berý mekemelerinde 51 kóshpeli-dáris uıymdastyrylyp, jalpy 4 050 adam qamtyldy. Bıyl ortalyq 600 adamǵa kýrs uıymdastyryp, kóshpeli dáris arqyly 5 000 adamǵa «Rýhanı jańǵyrý» baǵdarlamasynyń baǵyttaryn túsindirýdi kózdep otyr. Kitap oqý mádenıetin qalyptastyrý úshin, qala turǵyndaryna arnalǵan «Parasat» oqyrman klýby men «Amanat» úıirmesi apta saıyn júrgiziledi. Oqyrman klýbynyń jumysy barysynda zııaly qaýym ókilderimen kezdesý, sheberlik synyptaryn ótedi.
«Rýhanı jańǵyrý» jobalyq keńsesiniń basshysy Aqerke Jumanbaeva sóz arasynda alǵys aıtý kúnine oraı 2 naýryzda «Alǵys aıtý kúni – urpaqty dostyq pen toleranttylyqqa tárbıeleý merekesi» atty semınar-trenıng ótkiziletindigin málimdedi. «Alǵys aıtý kúnine oraı ótetin Qazaqstan halqy Assambleıasynyń «Qazaq eline myń alǵys!», «Rahmet saǵan...» chellendj-rolıgi, Qazaqstan medısına jastarynyń «Ardagerlerge myń alǵys!», «Astana jastary» jastar resýrstyq ortalyǵy belsene atsalysqan «Biz birgemiz!» aksııasy – bul sharalardyń barlyǵy «Rýhanı jańǵyrý» baǵdarlamasynyń aıasynda qoǵamdyq sanany jańǵyrtýǵa baǵyttalǵan is-sharalar dep túsinemiz», - dedi ol.
Sondaı-aq keńse basshysy «100 jańa esimge» engen tulǵalardyń jetistikke jetý jolyn nasıhattaý úshin jastarǵa arnalǵan kezdesýler uıymdastyrtyndyǵyn tilge tıek etti. Bekitilgen josparǵa saı osy jyly «Tulǵany damytý» baǵyty boıynsha 19 shara, «Ulttyń damýy» baǵyty boıynsha 16 shara, «Memlekettiń, azamattyq qoǵamnyń, jergilikti qoǵamdastyqtardyń damýy» boıynsha 17 shara josparlanǵan.
