Saıysqa elimizdiń túkpir-túkpirinen 100-den asa muǵalim ótinim jiberdi. Olımpıada qorytyndysy boıynsha 20 pedagog úzdik atanyp, jeńimpazdarǵa dıplomdar men qarjylaı syılyqtar tabystaldy. Jalpy júlde qory – 2 000 000 teńge.
«Olımpıadaǵa biz Mańǵystaý oblysynan kelip qatystyq. Esepter óte qyzyq ári kúrdeli boldy. Jarysta muǵalimderdiń akademııalyq adaldyqty saqtaýyna úlken mán berildi. Básekelester de myqty, menen de tájirıbeli jáne bilimdi muǵalimderdiń bolǵany anyq. Biraq baǵymyz janyp, 1-oryn ıelendik. Belgili matematık Asqar Jumadildaevtyń qolynan marapat alýdy úlken mártebe sanaımyn», deıdi Mańǵystaý oblysynan qatysqan júldeger Baýyrjan Kýbeev.
Jeńimpazdardyń biri Asylan Maqulbek te osyndaı olımpıadalardyń mańyzy joǵary ekenin aıtady.
«Bilim saıysy muǵalimderdiń bilimin tekserip qana qoımaı, logıkalyq oılaý men shyǵarmashylyq qabiletin arttyrady. Mundaı alańda biz ózara tájirıbe almasamyz. Bilimimizdi sarapqa salýǵa múmkindik beretin osyndaı olımpıadalar jıirek ótip tursa jaqsy bolar edi», deıdi ol.
Uıymdastyrýshy, Beta High School dırektory ári matematıka muǵalimi Baqnur Zııabekovtiń aıtýynsha mundaı olımpıada óskeleń býyn úshin de paıdaly.
Elordada respýblıkalyq olımpıada jeńimpazdary marapattaldy
«Bizde ult tulǵalarynyń mereıtoıynda báıge, kókpar, aıtys sekildi úlken toılar ótip jatady. Bul joly úrdiske ózgeris engizip, Asqar aǵamyzdyń 70 jyldyǵynda olımpıada ótkizýdi jón kórdik. Nege deseńiz, bilimdi ómirde qoldanýdy zertteıtin halyqaralyq PISA reıtıngi boıynsha bizdiń el 80-orynda tur. Al TIMSS boıynsha úzdik otyz eldiń qataryndamyz. Bul bizdiń balalar bárin biledi, biraq ómirde qoldana almaıdy degen sóz. Matematıkalyq saýattylyq kórsetkishi tómen degendi bildiredi. Biz jarysta muǵalimderge qoldanbaly esepter berip, olardyń biliktiligin arttyrýdy kózdeımiz», deıdi ustaz.
Bilim salasynyń sarapshysy Nurlan Qııasovtyń aıtýynsha ýaqyt talaby ózgerip jatqandyqtan endi jaı ǵana formýlamen esep shyǵarý jetkiliksiz.
Astanada Halyqaralyq jasandy ıntellekt olımpıadasy ótedi
«Qazirgi tańda adamnyń matematıkalyq bilimi, ádisteri men logıkasyn ómirdegi qoldanbaly máselelerdi sheshý úshin qoldana bilý qabileti mańyzdy. Bul matematıkalyq saýattylyq dep atalady. Osy tusta qazaqstandyq bilim berý júıesinde túıtkildi máseleler bar. Matematıkalyq saýattylyǵy tómen mektep túlekteriniń úlesi áli de joǵary. Túlekterdiń esep shyǵara alǵanymen, olardyń 70%-ǵa jýyǵy matematıkalyq saýaty tómen bolyp otyr. Bul muǵalimderdiń nemese oqýshylardyń kinási emes. Bizge pánderdiń mazmuny men oqytý ádistemesin túbegeıli qaıta qaraý qajet», deıdi ol.
Olımpıada matematıka pánin oqytýdyń qoldanbaly deńgeıin kóterip qana qoımaı, matematıka muǵalimi mamandyǵynyń bedelin arttyrýǵa yqpal etti.
