«Shymkent – Dostastyqtyń 2020 jylǵy mádenı astanasy» is-sharasynyń saltanatty ashylý rásimi 20 naýryz kúni Qajymuqan atyndaǵy ortalyq stadıonda ótkiziledi. Saltanatty is-sharanyń konserttik baǵdarlamasyna 800-ge jýyq Shymkent qalasynyń ónerpazdary men Almaty, Astana qalalary men TMD elderinen 300-den astam ónerpaz qatyspaq. Ashylý saltanatyn 16 myńnan astam qala turǵyndary men syıly qonaqtar tamashalaı alady», dedi Rashıd Myńbaev.
Bıyl TMD elderiniń mádenı astanasy merekesimen qatar qalada birneshe mańyzdy mereıtoıdyń ótýi josparlanǵan. Olardyń qatarynda Ábý Nasyr Ál-Farabıdiń - 1150 jyldyǵy, Abaı Qunanbaıulynyń - 175 jyldyǵy, Altyn Ordanyń - 750, Shámshi Qaldaıaqovtyń 90 jyldyq mereıtoılary men Shymkent qalasynyń 2200 jyldyǵyna arnalǵan forýmdar, ǵylymı-praktıkalyq konferensııalar, forýmdar jáne taǵy basqa is-sharalar bar.
BAQ ókilderiniń basyn qosylǵan jıynda basqarma basshysy Shymkent qalashyǵynda atqarylyp jatqan jumystar týraly áńgimeledi. Shymkenttegi «Eski qalashyq» - Elimiz úshin erekshe arheologııalyq obekt jáne memlekettik mańyzy bar tarıh jáne mádenıet eskertkishteriniń Memlekettik tizimine engen sáýlettik qurylys.
Sala jaýaptylarynyń aıtýynsha 19 maýsym - qala kúnine oraı Shymkent qalasynyń 2200 jyldyq mereıtoıy resmı atalyp, ashyq aspan astyndaǵy murajaıdyń saltanatty ashylý rásimi ótpek.
Sondaı-aq jyl boıy Shymkent qalasyna gastróldik issaparmen Mádenıet jáne sport mınıstrligine qarasty 27 elimizdiń jetekshi teatrlary men fılarmonııa ujymdary keledi dep josparlanǵan.
Brıfıngte tilshiler tarapynan suraqtar qoıylyp, naqty jáne tushymdy jaýaptar alyndy.
Rashıd Mamytuly aldaǵy jaýapty merekeler qarsańynda aýyzbirshilik tanytyp, bir-birimizge qoldaý kórsetip, týǵan qalamyzdyń mereıin bıiktetýge shaqyrdy.
Shymkent
