2019 jyly el azamattary avtoHQO arqyly 3,018 mlrd teńgege 12 658 erekshe tirkeý nómirin satyp alǵan. Bul qarjylaı kórsetkish 2018 jylmen salystyrǵanda jarty mıllıard teńgege az. Byltyr qazaqstandyqtar 14 909 VIP nómiri úshin 3,560 mlrd teńge jumsaǵan.
Osy arada aıta ketken jón, buryn mamandandyrylǵan HQO-men qatar erekshe nómirlerdi polısııanyń tirkeý-emtıhan alý bólimderi de rásimdeıtin.
Búginde erekshe sandar men áripterdiń tizbegin kóp satyp alatyndardyń reıtıngin Almaty, Nur-Sultan men Shymkent qalalarynyń turǵyndary bastap tur.
Kólik ıeleri jańadan satyp alǵan temir tulparyna erekshe nómirlerdi mamandandyrylǵan HQO nemese egov.kz arqyly onlaın tirkeý barysynda tańdaı alady. Sondaı-aq eger azamattyń burynnan VIP-nómiri bolsa, jańadan alǵan kóligine alty aı ishinde sol nómirdi qaıta rásimdeýge quqyǵy bar.
