Ǵylymı semınar moderatory QR Parlament Senatynyń depýtaty, QR UǴA akademıgi, QR UIA Prezıdenti Baqytjan Jumaǵulov sharanyń mańyzdylyǵyna toqtalyp, «Ábý Nasyr ál-Farabıdeı uly danyshpannyń baı murasyn jan-jaqty taldap, sarqa taný qıyn. О́ıtkeni, onyń shyǵarmashylyǵy san-salaly. О́zin ataqty fılosof, daryndy matematık, kemeńger oıshyl retinde tanyta bilgen jerlesimiz ǵylymǵa shyn berilip, asqan jigeri men kúsh-qaıratyn jumsap, eńbektengeni belgili. Al ál-Farabıdińdaryndy izbasarlarynyń birden-biri, joǵary klassty mashınalar men mehanızmder teorııasynyń negizin qalaýshy О́mirbek Joldasbekovtyń ǵalymnyń mehanıka salasyndaǵy murasy álemdik deńgeıde balamasy joq júk kótergish jáne manıpýlıatorlyq qurylǵylar jobalaýǵa negiz boldy» dep atap ótti. B.Jumaǵulovsonymen qatar mehanık ǵalym, professor QR Ulttyq ınjenerlik akademııanyń akademıgi jáne Halyqaralyq ınjenerlik akademııanyń akdemıgi, 1995-1997, 2010-2016 jyldarda Mehanıka jáne mashınataný ınstıtýtynyń bas dırektory bolǵan Skandarbek Joldasbekovtyń ǵylymǵa qosqan eseli eńbegi jaıynda keńinen baıandady.
«Ábý Nasyr ál-Farabı – óz ýaqytynyń bilimin júıeleýge umtylǵan, álemge tanymal tulǵa, ǵylym reformatory. «Matematıkalyq traktattary» kitábi matematıkalyq ǵylymdy damytýǵa úlken áser etti. Bul ál-Farabı shyǵarmashylyǵyn keńinen ashyp, onyń óz dáýiriniń iri matematıgi beınesin somdaıdy. Bul traktatta ál-Farabı sol ýaqyttaǵy ǵylymdardyń retin kórsetken, olardyń zertteý mánderin anyqtaǵan jáne mehanıka týraly ǵylymnyń ál-Farabı óziniń ustazy retinde sanaǵan Arhımed dáýirinen bastap týyndaǵanyn aıtady.
Atalǵan uly ǵalymdardyń ǵylymı muralaryn saqtaý barysynda, búginde qatty deneler jáne tutas ortalar mehanıkasy, dirilmensoqqylaý jáne jańa beıimdelgish mashınalar jasaý, robototehnıkalyq jáne zııatkerlik júıeler, SAPR júıesi, mehanızmderdi taldaý jáne sıntezdeýdiń baǵdarlamalyq kompleksteri boıynsha Qazaqstan ekonomıkasy ǵylymı-praktıkalyq máselelerin iske asyrýda birshama jumystar atqarylýda. О́ndiristi avtomattandyrý jáne sıfralyq tehnologııalardyń ozyq jetistikterin ıgerý jáne iske asyrýda mashına jasaýshy kásiporyndarmen birge jumys atqarylýda. Akademık О́.A.Joldasbekovtyń eńbekterin damytý negizinde kótergishi bar shaǵyn robottar, jańa úlgidegi baspaq-avtomattar, ıintirekti dirilsoqqyshtar, shaǵyn qadamdaýshy robot jáne ekzoskeletter, retntgenoflýoressentti energodıspesıondy aspap, kóldeneń ınnovasııalyq elevator jáne t.b. jasaldy. Bul jasamalar Qazaqstan Respýblıkasy energetıka, mashınaqurýshy salalar, medısına, robototehnıka, otyn ónerkásibinde jáne basqada salalarda suranysta.
Semınarda sonymen qatar hımııa ǵylymdarynyń doktory, professor, akademık N.Nadırov, tehnıka ǵylymdarynyń doktory, pofessor, akademık G.Ýalıev, QR UIA jáne HIA akademıgi, Akademık О́.A.Joldasbekov atyndaǵy mehanıka jáne mashınataný ınstıtýtynyń bas dırektory A.Tóleshov,QR SDQAО́M mınıstr keńesshisi, QR UǴA akademıgi M.Moldabekov, QR ÚIA korrespondet múshesi A.Jomartov, professor A.Seıdahmet, t.ǵ.d.,professor S.Ibraev, t.ǵ.d.,professor E.Temirbekov, t.ǵ.k. dosent N.Jamalov, t.ǵ.d., t.b. akademık О́.A.Joldasbekovtyń tanymal shákirtteri baıandama jasap, ǵalymnyń izgi isteri jaıynda pikirlerin bildirdi.
