17:10
Polshada alǵashqy jaǵdaı tirkeldi
Polshanyń Densaýlyq saqtaý mınıstri Lýkash Shýmovskıı elde koronavırýs juqtyrǵan alǵashqy naýqas anyqtalǵanyn aıtty.
Qazir ol Zelıona-Gýra aýrýhanasynda em alyp jatyr. Naýqastyń otbasy men jeke basyna qatysty esh aqparat berilmedi. Dese de mınıstr Polshanyń epıdemııamen kúresýge daıyn ekenin jetkizdi.
______________________________________________________________________________________________
16:53
Irakta alǵashqy naýqas kóz jumdy
Vırýs juqtyrǵan 70 jasar er adam Iraktyń soltústiginde kóz jumdy.
Eldiń resmı aqparat agenttiginiń habarlaýynsha, naýqastyń jaǵdaıy nasharlap, juqtyrǵan indetten qaza bolǵan.
______________________________________________________________________________________________
16:23
Germanııada 240 adam vırýs juqtyrǵan
Robert Koh ınstıtýty (RKI) Germanııada koronavırýs juqtyrǵandar sany 240-qa jetti, búgin jańa 44 jaǵdaı tirkelgen.
RKI málimeti boıynsha, qazirgi ýaqytta Germanııanyń 16 federaldy aımaǵynyń on besinde indet belgileri anyqtalǵan.
______________________________________________________________________________________________
12:12
Úndistanda on bes ıtalııalyq vırýs juqtyrǵany anyqtaldy
Úndistanda on bes Italııa azamatynyń koronavırýsqa tapsyrǵan saraptamasy oń shyqty. Bul aqparatty eldegi memlekettik jáne táýelsiz BAQ taratty.
Osyǵan deıin Reuters agenttigi dúısenbi kúni Radjastan shtatynda Italııa azamatynyń vırýs juqtyrǵanyn densaýlyq saqtaý organdarynyń ókiline silteme jasap habarlaǵan edi.
______________________________________________________________________________________________
11:55
Japonııada vırýs juqtyrǵandar sany 1000-nan asty
Eldiń Densaýlyq saqtaý mınıstrligi men jergilikti bılik bergen aqparatqa sáıkes, Tokıoǵa jaqyn karantınde bolǵan Diamond Princess laıneriniń bortynda bolǵan 706 adamdy qosa alǵanda, eldegi naýqastar sany 1001 adamǵa jetken.
Jergilikti turǵyndar arasynda qaza bolǵandar sany 12 adam, onyń altaýy krýız laınerinde bolǵan.
О́tken aptada Premer-mınıstr Sındzo Abe eldegi barlyq mektepterdi jabýdy tapsyrǵan. Sondaı-aq sport jáne oıyn-saýyq mekemeleriniń operatorlarynan iri is-sharalardy keıinge qaldyrýdy surap edi.
______________________________________________________________________________________________
11:30
World Bank (Dúnıejúzilik bank) kómekke $12 mlrd bólýge ýáde berdi
Dúnıejúzilik bank koronavırýs taraǵan damýshy elderge kómek retinde 12 mlrd dollar bóletin boldy.
Bul keı elderdiń qoǵamdyq densaýlyq saqtaý salasyndaǵy daǵdarysqa qarsy sharalaryn jaqsartýǵa, sondaı-aq ekonomıkalyq qaterdi azaıtýǵa kómektespek.
Uıym qarjylaı kómekti vırýs taraǵan 70-ten astam elder ishinen eń kedeı jáne indetpen kúresýge múmkindigi joqtaryna beredi.
Beriletin somanyń jartysy jeke sektormen jumys isteıtin Banktiń Halyqaralyq qarjy korporasııasynan kelip tússe, al shamamen $4 mlrd qoljetimdi qorlardan alynady.
______________________________________________________________________________________________
9:30
Álemdegi jaǵdaı qandaı?
► Sońǵy málimetke sensek, álem boıynsha vırýs juqtyrǵandar sany 92 myńǵa jetken. Al indetten kóz jumǵandar 3 myń adamnan asty.
► Ońtústik Koreıa Prezıdenti vırýsqa «soǵys» ashatynyn málimdedi. Elde tirkelgen naýqastardyń 60%-ǵa jýyǵy 2,5 mıllıon halqy bar Degýde ornalasqan Sınchhondzı dinı sektasynyń fılıalymen baılanysty. Sekta basshysynyń koronavırýs juqtyrmaǵany anyqtaldy.
► Gonkong ózge álem elderine qaraǵanda óz turǵyndaryn Ýhannan sońǵylardyń biri bolyp evakýasııalaıtyn boldy.
► Keshe taǵy bir qytaı dárigeri vırýstan kóz jumdy.
► Ýkraınada Italııadan kelgen er adamnyń vırýs juqtyrǵany anyqtaldy.
► Fransııada 100-den astam mektepti ýaqytsha jabýǵa týra keldi.
► Iranda 23 depýtat vırýs juqtyrǵan, al indetten kóz jumǵandar sany 77-ge jetti.
