Qala jáne aýdan ortalyqtarynda ótkizilgen jınalystardyń nátıjesinde halyqtyń kókeıinde júrgen saýaldar boıynsha tolyqtaı aqparattar berildi jáne qorshaǵan ortaǵa emıssııalarǵa ruqsat alý boıynsha broshıýralar taratyldy. Nátıjesinde, qorshaǵan ortaǵa emıssııalarǵa múldem ruqsat almaǵan mekemeler jáne ruqsaty bola tura tólemin júrgizilmegen mekemeler basqarmaǵa habarlasyp, olarǵa jeke aqparattar berilip, qazirgi tańda ruqsat alý jáne tólenbegen qarajattar boıynsha tólemderdi tóleý jumystary turaqty túrde júrgizilip jatyr.
2019 jyldan bastap «Qarjylandyrý kózderine qaramastan, jańa úıler men ǵımarattardy, olardyń keshenderin, ınjenerlik jáne kólik kommýnıkasııalaryn salýǵa, sondaı-aq burynnan baryn ózgertýge (rekonstrýksııalaýǵa, keńeıtýge, tehnıkalyq qaıta jaraqtandyrýǵa, jańǵyrtýǵa jáne kúrdeli jóndeýge) arnalǵan tehnıkalyq-ekonomıkalyq negizdemelerge jáne jobalaý-smetalyq qujattamaǵa vedomstvodan tys keshendi saraptama júrgizý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń 2015 jylǵy 1 sáýirdegi № 299 buıryǵyna engizilgen sońǵy ózgeristerge sáıkes, barlyq qurylys mekemelerine keshendi saraptama qortyndysy, qorshaǵan orta emıssııalaryna ruqsat qaǵazymen qosa beriledi.
Bul óz kezeginde kórsetiletin 2 memlekettik qyzmetterdi biriktirý arqyly, memlekettik organnyń jumysyn tıimdi qylýǵa jáne tabıǵat paıdalanýshylarǵa ýaqyt únemdeýge, usynatyn qajetti qujattar toptamasyn azaıtýǵa septigin tıgizdi.
Mańǵystaý oblysy
