Kolledjdiń «Sándik qoldanbaly óner jáne dızaın» bóliminde oqıtyn stýdentter Dáýletkereı kúıleriniń taqyrybyna, keıipkerlerine arnap salǵan sýretterin kúıshi mereıtoıyna tartý etipti. Bir qyzyǵy, bul týyndylardyń denin stýdentter kúıshi shyǵarmasyn tyńdaı júrip salǵan eken.
Dáýletkereı Shyǵaıuly – uly kompozıtor. Dombyra aspabynda tóre kúıleri mektebiniń kóshbasshysy. Sonymen qatar sońyna «Qudasha», «Qos alqa», «Aqbala qyz», «Muńdy qyz», «Jeńgemsúıer», «Jumabıke», «Kórkem hanym» syndy keremet kúıler qaldyryp, áıel obrazyn ólmes shyǵarmalaryna eń kóp arqaý etken sazger. Dáýletkereıdiń tolǵanysqa, fılosofııaǵa toly «Jiger», «Topan», «Ańshylyq» sekildi lırıkalyq kúılerin de bizdiń shákirtterimiz jaqsy biledi. Osy kúılerdi sabaq barysynda oınap, úırenip júredi. Endi mine, tek mýzyka baǵytyndaǵy emes, sýret, dızaın salasynda oqıtyn stýdentterimiz de Dáýletkereıdiń shyǵarmashylyǵyn bilip, nasıhattap jatqanyna qýanyshtymyz, - deıdi kolledj dırektory, Qazaqstan Respýblıkasy mádenıet salasynyń úzdigi Nurjan Sertek.
Batys Qazaqstan
