Dárigerler qyzdyń mańdaı súıeginde batyq fragmenttik synyqtyń baryn, mańdaılyq úlesiniń jaralanǵanyn, zaqyndanýdan eseńgireýdiń II-III deńgeıiniń bar ekendigin,bas mıynyń iskendigine kóz jetkizdi.
Sondaı-aq, klonıko-tonıkalyq qurysýynyń jaıylǵandyǵy baıqalǵan. Qýantarlyǵy shetki qanaınalymy buzylmaǵan. Júreginiń soǵýy bir qalypty.
Bala neırohırýrgi Erbol Kenjevalovtyń aıtýynsha, kezekshi reanımatolog qarap bolǵan soń suıyqtyqpen (ınfýzıonnyı) emdeý, shoqqa, bakterııaǵa qarsy jáne kúrdeli ota jasaý sharalary qolǵa alynǵan.
- Birinshi synyp oqýshysy alǵashynda shuǵyl túrde qabyldaý bólimshesine jetkizilgen bolatyn. Bizge kelgen kezde onyń jaǵdaıy óte aýyr bolatyn, sebebi sol mezgilde ol esin joǵaltqan. Bas mıy kompıýterlik tomografııaǵa túsirildi. Mańdaı súıegi synǵan bolyp shyqty. Sol boıda jan saqtaý bólimshesine jatqyzyldy. Ota 1 saǵat 15 mınýtqa jalǵasqan bolatyn jáne nátıjesi jaman emes. Qazirgi ýaqytta qyz balanyń jaǵdaıy ortasha aýyr deýge bolady. Eń bastysy ol esin joǵaltqan joq, barlyq suraqtarǵa tushymdy jaýap qaıtaryp otyr. Ota jasaý kezinde qasymda anestezıolog jáne kómekshi boldy, deıdi ol.
Dárigerlerdiń aıtýynsha, kishkentaı qyz bala qazir aq halattylardyń únemi baqylaýynda. Aýrýhanada shamamen 10 kúndeı jatyp emin alady, al jaǵdaıy jaqsarǵan soń úıine jiberiledi. Qalǵan em-dom sharalaryn turǵylyqty mekenjaıy boıynsha emhanada jalǵastyratyn bolady.
Mańǵystaý oblysy
