Qazaqstan naryǵynda on jyldan bergi aralyqta balalar kıimi óndirisine negizdelgen kásiporynda 180-nen astam adam jumyspen qamtylǵan. Birneshe óndiristik jeliden turatyn kásiporynnyń jumysymen tanystyrǵan Mimioriki kompanııasynyń bas dırektory Inna Apenko «Mimioriki kompanııasy The Walt Disney Company arnaıy ázirlegen halyqaralyq ILS eńbek standartynyń sáıkestigi boıynsha áleýmettik aýdıtten sátti ótti. Bul prosedýra kelisimge qol qoıýda mindetti bolyp sanalady. Bul – biz úshin zor maqtanysh ári aýqymdy syn bolmaq! Bir jaǵynan Disney-diń jahandyq úlken tarıhynda izimizdiń bolatynyna, súıikti keıipkerler sýrettelgen jáne bizdiń aýdıtorııaǵa qazaq jáne orys tilindegi uransózder jazylǵan kıim-keshekpen balalarǵa shattyq syılaıtynymyzǵa qýanyshtymyz. Ekinshi jaǵynan bul qadam bizdiń kompanııanyń ár mamany úshin orasan zor ósim bolary daýsyz. Sebebi, Disney standarttarynyń talaby tym joǵary», dep atap ótti. «Mimioriki sekildi naryqtyń iri oıynshysymen seriktestik Qazaqstannyń tutynýshylaryna jetý jolynda Reseı men TMD-daǵy Disney kompanııasy úshin mańyzdy kezeń bolyp otyr. El ishinen oryn tapqan beıildi aýdıtorııasy men tolyqqandy ózindik óndiristik sıkli bar aıryqsha brend tutynýshylardyń talap-tilegine saı keleri sózsiz. Biz balalar men olardyń ata-analaryn qýantatyn Mimioriki brendimen birge jańa kolleksııalardy qurý múmkindiginiń paıda bolǵanyna qýanyshtymyz», - deıdi Reseı men TMD-daǵy Disney kompanııasynyń lısenzııalaý jáne bólshek saýdamen jumys departamentiniń dırektory Sergeı Pıchýgın.
Kelisimge kele otyryp Mimioriki balalar kıim-keshek óndirisin 30% arttyryp, Disney keıipkerleri sýrettelgen 100 myńǵa tarta ónim shyǵarýdy kózdeıdi. Disney klassıkasyndaǵy alǵashqy kolleksııalar – teńdessiz Mıkkı men Mınnı 2020 jyldyń 1 sáýirinde satylymǵa shyǵady. Búkil jańa ónim Qazaqstan aýmaǵynda satylatyn bolady. Qazirgi tańda Mimioriki Qazaqstanda franshıza boıynsha 4 jeke jáne 11 ashyq dúkenge ıe. Ár maýsymda 9-10 kolleksııa nemese 450 biregeı model shyǵarady. Disney lısenzııalyq kıimi Mimioriki brendiniń barlyq fırmalyq dúkenderinde, brendtiń seriktes dúkenderinde, mamandandyrylǵan balalar bólshek saýdasy men onlaın market-pleıstarda saýdaǵa qoıylady.
Qazirgi tańda «MIMIORIKI» Qazaqstan naryǵynda zor tabysqa ıe bolyp, moıyndalyp, belsendi túrde ósip-órkendeý ústinde. Brend kolleksııa jelisinde ulttyq naqyshtaǵy Sport.kz sporttyq kıim-keshek jelisine jeke ári mańyzdy áleýmettik ról berilip otyr. Brend osylaısha balalar sportyn damytýǵa, salaýatty ómir saltyn nyǵaıtyp, patrıotızmdi ushtaýǵa, óz eline degen maqtanyshty oıatýǵa múmkindik alýda.
ALMATY
