- Úkimet tapsyrmasyna sáıkes, Mańǵystaý oblysynyń ákimdigine áleýmettik-ınvestısııalyq jobalardy jasaqtaý tapsyrylǵan bolatyn. Osyǵan oraı, Jańaózen qalasynda jumyspen qamtýdy yntalandyrý úshin «О́zenmunaıgaz» aksıonerlik qoǵamynyń satyp alýlaryn oqshaýlaý arqyly kásipkerlik sýbektilerin tartý jumystary júrgizilip, qorytyndysynda 33 kompanııadan 39 joba boıynsha usynys kelip túsken bolatyn, dep atap ótti oblys ákimi Serikbaı Trumov.
Mańǵystaý oblysynyń kásipkerler palatasynyń dırektory Nurbek Qarasaevtyń aıtýynsha, barlyq jobalar boıynsha ınvestısııa quny 25 mlrd teńgeni quraıdy jáne 1 300-den astam jańa jumys oryndary ashylady dep josparlanýda. Qazirgi tańda quny 759 mln teńgeni quraıtyn eki joba boıynsha kelisim-shartqa qol qoıyldy, onyń nátıjesinde 50-den astam jańa jumys oryndary ashylatyn bolady. Kelisimshart jasaqtaý satysynda 5 joba qarastyrylýda. Barlyq 39 kásiporyn 2020-2021 jyldar aralyǵynda Jańaózen qalasynda iske josylyp, qalanyń jumyssyzdaryn qaıta oqytý arqyly osynda ornalastyrý kózdelip otyr. О́ndiris oryndar qataryn shyny talshyqty qubyrlar zaýyty, elektr qozǵaltqyshtary men munaı jylytý peshterin shyǵaratyn kásiporyndar quramaq.
