2019 jyldyń basynan bastap «2019 jylǵa arnalǵan jergilikti bıýdjetti atqarý tıimdiligin arttyrý» is-sharalar jospary jasaqtaldy jáne josparǵa sáıkes jumys jasaý úshin jumys toby (shtab) quryldy. Keshendi is-sharalar josparyna sáıkes ár sala boıynsha bıýdjetke qarajat óndirý maqsatynda memlekettik organdar jumyldyryldy, dep habarlady Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasy baspasóz qyzmeti.
Sondaı sharalardyń biri, «Mańǵystaý oblysynda 2017-2018 jyldary qurylys jumystaryn júrgizgen qurylys obektileri boıynsha qorshaǵan ortaǵa emıssııalarǵa ruqsat alý men tólemder júrgizý týraly» Túpqaraǵan, Mańǵystaý, Munaıly, Qaraqııa aýdandaryna jáne Jańaózen, Aqtaý qalalary boıynsha qurylys mekemelerine túsindirý jumystary júrgizilip, barlyǵy 175 mekeme qatysty.
Jınalys barysynda, ekologııalyq zańnamalar men normatıvtik-quqyqtyq aktiler sheńberinde qorshaǵan orta emıssııalary týraly tolyqtaı aqparat berildi, emıssııalarǵa ruqsat alý memlekettik qyzmetin jiberýdiń ádistemelik nusqaýlyqtar taratylyp, keńeıtilgen túsindirý jumystary júrgizildi. 2019 jylǵa Mańǵystaý oblysy boıynsha memlekettik kirister departamenti, Mańǵystaý oblysy boıynsha ekologııa departamenti jáne bizdiń Basqarmamen birlesken úsh jaqty jospar jasaqtalǵan.
2019 jyly qorshaǵan ortaǵa emıssııalarǵa ruqsatsyz jumysyn júrgizgen qurylys obektilerinen bıýdjetke 1 mln teńge kóleminde qarajat óndirildi. Qorshaǵan orta emıssııalaryna qatysty «Dóńgelek ústel», jınalystar, semınarlar, tabıǵat paıdalanýshylarǵa saýalnama júrgizý túrinde 12 is-shara ótkizilip, barlyǵy – 500 adam qatysty.
Shtabtyń quramynda birlesip jumys jasaý úshin árbir memlekettik organdardan jaýapty tulǵa bekitilip, jumys toby quryldy. Salystyrý jumystarynyń nátıjesinde anyqtalǵan aýytqýshylyqtar boıynsha, Mańǵystaý oblysy boıynsha ekologııa departamenti men Mańǵystaý oblysynyń memlekettik kirister departamentimen birlesip, bıýdjetke qosymsha tólemder óndirildi.
