Mańǵystaý oblysyna koronovırýs (2019-nCov) ınfeksııasyna zerthanalyq tekserý júrgizýge test sıstema alynyp, tekserý jumystary Ulttyq saraptaý ortalyǵynyń vırýsologııa zerthanasynda júrgizilýde.
Búgingi kúnge deıin, ıaǵnı 6 naýryzǵa deıin oblysta 23 adam medısınalyq baqylaýda bolsa, onyń 15-i Iran eliniń azamattary, 8-i - Qazaqstan azamaty.
4 naýqas «Jedel respıratorly vırýsty juqpa» dıagnozymen aýrýhanaǵa jatqyzyldy – onyń 3-eýi Mańǵystaý oblystyq aýrýhananyń juqpaly aýrýlar bóliminde, 1-eýi Jańaózen qalasynyń kópbeıindi aýrýhanasynyń juqpaly aýrýlar bólimine jatqyzyldy.
Mańǵystaý oblystyq týberkýlezge qarsy dıspanserge (provızorlyq stasıonar) – 19 adam jatqyzylyp, medısınalyq baqylaýǵa alyndy. Olardyń 6-ýy Qazaqstan azamattary bolsa, 13-i - Iran eliniń azamattary.
