Apta basynda qazaqstandyq delegasııa qatysqan OPEK + mınıstrlerdiń birlesken baqylaý komıtetiniń 18-otyrysynda álemdik munaı naryǵyn turaqtandyrý boıynsha tıisti usynystar jasady.
Sondaı-aq Qazaqstan Respýblıkasynyń delegasııasy OPEK-ke múshe jáne OPEK-ke múshe emes elder mınıstrleriniń 8-otyrysyna qatysty.
Otyrysqa qatysýshylar álemdik munaı naryǵyn turaqtandyrýǵa baǵyttalǵan birlesken sharalardy talqylady. Kezdesý qorytyndylary boıynsha kelisim taraptary ózara tıimdi yntymaqtastyq boıynsha konsýltasııalardy jalǵastyrýǵa sheshim qabyldady.
Esterińizge sala keteıik, OPEK + múshe elderdiń qoldanystaǵy kelisiminde osy jyldyń 1-shi toqsanynyń aıaǵyna deıin OPEK + elderiniń munaı óndirisiniń táýligine 1,7 mln barrelge tómendeýi aıtylǵan. Sonymen birge Qazaqstannyń 2018 jyldyń jeltoqsanynda qabyldanǵan kelisim boıynsha táýligine 1,843 mln barreldi quraıdy.
Aıta ketý kerek, qoldanystaǵy kelisimniń 13 aıynyń qorytyndysy boıynsha (2019 jyldyń qańtary - 2020 jyldyń qańtary) Qazaqstan óz mindettemelerin oryndady.
ALMATY
