Vedomstvo málimetinshe, oqıǵa 26 naýryz kúni Lenıngrad oblysyndaǵy Ýst-Lýga vahtalyq kentinde bolǵan. Qaqtyǵys turmystyq sıpatta órbigen, oǵan Qazaqstan azamattary da qatysqan.
Mınıstrliktiń resmı ókili Erlan Jetibaevtyń aıtýynsha, qazirgi ýaqytta qazaqstandyqtar arasynda aýyr jaraqat alǵan nemese aýrýhanaǵa jatqyzýdy qajet etetinder joq. Jaǵdaı turaqty jáne quzyrly organdardyń baqylaýynda.
Oqıǵanyń mán-jaıyn jan-jaqty ári obektıvti anyqtaý maqsatynda Reseı Federasııasynyń quqyq qorǵaý organdary tıisti prosessýaldyq sharalardy júrgizgen, onyń ishinde janjalǵa qatysýshylardy ustaý da bar. Qazirgi ýaqytta tergeý áreketteri jalǵasyp jatyr.
Oqıǵa ornyna Qazaqstannyń bas konsýly baryp, el azamattaryna quqyqtyq kómek kórsetý jáne jaǵdaıdy naqtylaý jumystaryn júrgizýde.
Sondaı-aq, Qazaqstannyń Sankt-Peterbýrg qalasyndaǵy Bas konsýldyǵy Reseıdiń quqyq qorǵaý organdarymen turaqty baılanys ornatqan.
Shymkentte match kezinde jappaı tóbeles boldy: Eki oıynshy jaraqat aldy
