Qarjy monıtorıngi agenttiginiń málimetinshe, 2021 jyldan beri bir top adam prokýratýranyń úılestirýimen «E-lısenzııalaý» aqparattyq júıesine ádeıi jalǵan málimetter engizip kelgen. Olar Almaty qalasynyń qala qurylysyn baqylaý basqarmasy qyzmetkerlerimen sóz baılasyp, ózderine tıesili kompanııalar arqyly óndiristik bazalar, arnaıy tehnıka jáne bilikti ınjenerlik qyzmetkerler bar degen jalǵan derekter usynǵan.
Alaıda bul málimetter shyndyqqa sáıkes kelmegen. Sonyń nátıjesinde qoldanystaǵy talaptardy aınalyp ótip, 400-den astam zańdy tulǵa zańsyz túrde I sanatty lısenzııa alǵan.
Tintý barysynda zańsyz áreketterdi dáleldeıtin qujattar men zattar tárkilengen. Mundaı «qyzmet» úshin uıymdastyrýshylar 2 mln-nan 5 mln teńgege deıin aqsha alyp otyrǵan.
Qazirgi ýaqytta tergeý jalǵasyp jatyr. QR QPK-niń 201-babyna sáıkes ózge aqparat jarııalanbaıdy.
Aqmola oblysynda jalǵan qujat jasamaq bolǵan kúdikti ustaldy
