- 9 mamyrǵa deıin sozylatyn senbilik aıasynda Oral qalasyndaǵy árbir aýlany tekserip, kógaldardy tazalaımyz, kóshet otyrǵyzyp, balalar men sport alańdaryn jóndeımiz. Shaǵyn sáýlet nysandaryn jańartyp, turǵyn úı qoryn retke keltirýimiz kerek. Sonymen qatar, qala aýmaǵyn tabıǵı jáne turmystyq qoqystardan tazartyp, qýraǵan aǵashtardy kesip, shyǵaramyz. Kóktemgi senbilikter qala ınfraqurylymyn jazǵy kezeńge keshendi daıyndaýǵa baǵyttalǵan, - deıdi Oral qalasy ákiminiń orynbasary Mıras Múlkáı.
Jınalǵan qoqysty qala kóshelerinen «Jaıyq Taza qala» jáne «Oral Taza Servıs» mekemeleri shyǵarmaq. Bir táýiri senbilik kezinde jınalǵan qoqys arnaıy polıgonǵa tegin qabyldanady eken.
Mıras Rústemulynyń aıtýynsha, bıyl Oral qalasy ákimdigi kópqabatty úıler aýlalaryn abattandyrý boıynsha 10 jobany júzege asyrmaq. Oǵan jalpy quny 400 000,0 myń teńge qarastyrylǵan. Bul jobanyń ishinde balalar oıyn alańdaryn salý, qala kóshelerindegi 15184 shamdy aýystyrý, sýburqaqtardy iske qosý sekildi jobalar bar.
Batys Qazaqstan
