– «Nazarbaev Zııatkerlik mektepteri» DBBU «Bookstart» avtorlyq jobasy ata-ananyń kómegimen bala boıyna kitap oqý mádenıetin sińirýdi kózdeıdi. Aqtaýdaǵy Nazarbaev Zııatkerlik mektebi bıyl úshinshi jyl qatarynan bul joba boıynsha «Analar úıindegi» balalarǵa kitap syılap keledi, deıdi aǵa-kitaphanashy Janar Bahıtova.
«Bookstart» jobasynyń turaqty qoldaýshy oqýshylary 15 kitap syılap búldirshinderge qosymsha oıynshyqtar da tabystady.
– Analar úıiniń búldirshinderiniń jasy kishkentaı bolǵandyqtan kóbinese ertegi, boıaýy qanyq, juqa muqabaly kitaptardy syılaýǵa tyrysamyz. О́ıtkeni kúrdeli kitaptardy túsiný balalarǵa qıyn. Analar bos ýaqytynda kitaptardy oqyp berip, ózara til tabysady, bir-birine jaqyndaı túsedi, deıdi kitaphanashy Dınara Qaıratbekqyzy
Oqýshylar atalǵan jobaǵa qatysqandyqtaryna óte qýanyshty ekenderin aıtady.
Analar úıindegi balalar aýysyp turady. Sondyqtan ár barǵanda ártúrli bóbekterdi jolyqtyramyz. Oıynshyqtar syılap, olarmen oınap, kóńil-kúıimiz kóterilip qalady, deıdi 12-synyp oqýshysy Nursaıa Sarǵojaeva.
Mańǵystaý oblysy
