Úıdiń tuńǵyshy Janbota – 19 jasta. О́zinen keıingi tórt baýyryn jetektep, mektep bitirgen soń bilim alýǵa murshasy da, qujattary da bolmaǵan. Ákeden tirideı aıyrylsa, anasy 2019 jyly qaterli derttiń saldarynan kóz jumǵan. Qos qanaty qaıyrylyp, panasyz qalǵan balapandar qazir óz kúnderin ózderi kórip júr. Jaldamaly páterde turady. Janbota ýaqytsha jumys istegenimen, kúndelikti tapqan 2-3 myń teńgesi azyq-túlikten artylmaıdy.
Qaıyrymdy isterimen kópshilikke úlgi bolyp júrgen «Hareket» qaıyrymdylyq qory efır barysynda balalarǵa tosynsyı jasap, baspana kiltin tabys etti. Bul tosynsyı Qazaq radıosynyń ıdeıasymen, «Hareket» qory, О́skemen qalasy ákimdigi, О́skemen qalasy bilim bóliminiń qoldaýymen júzege asty. Osy rette О́skemen qalasynyń ákimi Jaqsylyq Muqashulyna, Qalqaman Aıymǵazyulyna, Aqerke Abylaıhanqyzyna, Ádil Saılaýbekke, Gúlmıra Muhanqyzyna erekshe alǵysymyzdy bildiremiz!
Eske sala ketsek, «Hareket» qory «Myń alǵys» qaıyrymdylyq keshinde eki jyl qatarynan 6 otbasyna baspana kiltin tabys etip, qýanyshqa bólep edi. Bul ónegeli úrdis Qazaq radıosynyń stýdııasynda jalǵasyn tapty.
«Myń alǵys» habary men qaıyrymdylyq keshi aıasynda búginge deıin 120 mln teńge kóleminde kómek kórsetildi. Kóńilderi meıirim men qamqorlyqqa júdegen balalarǵa barshamyz qoldaý kórseteıik!
