Seged ýnıversıtetiniń Altaıstıka kafedrasynda ótkizilgen is-sharaǵa professorlyq-oqytýshylyq quram, ýnıversıtettiń majarlyq jáne qazaqstandyq stýdentteri, sondaı-aq atalǵan ýnıversıtette dáris beretin otandasymyz R.Mýkýshova qatysty.
О́z sózinde Elshi J.Ábdrashov Qazaqstan men Majarstan arasynda mádenı-gýmanıtarlyq yntymaqtastyq qarqyndy damyp jatqanyn, aǵymdaǵy jyly Qazaqstanda Abaı Qunanbaıuly men Ál-Farabıdiń mereıtoılaryn birge atap ótetinin jetkizdi.
Majar tarapynan Gýmanıtarlyq jáne áleýmettik ǵylymdar fakýltetiniń dekany, prof. Z.Denge jáne Altaıstıka kafedrasynyń meńgerýshisi, prof. I.Zımonı sóz alyp, aqyn men fılosoftyń álemdik mádenı muraǵa qomaqty úles qosqanyn atap ótti.
Is-shara barysynda majar tilinde jaryqqa shyqqan Abaı týraly kitaptar jáne Qazaqstan tarıhy týraly basqa da kitaptar Seged ýnıversıtetiniń kitaphanasyna syılyq retinde berildi.
Is-shara aıaqtalǵan soń Elshi J.Ábdrashov Seged ýnıversıtetiniń Halyqaralyq jáne qoǵamdyq ister jónindegi vıse-rektory P.Zakarmen kezdesti.
