- Júrgizýshiler atqarylyp jatqan keshendi sharalarǵa qaramastan, áli de balalardyń qatysýymen bolatyn jol-kólik oqıǵalaryn týdyrady. Keıbir oqıǵalar qaıǵyly aıaqtalady. Osy jyldyń qańtar aıynda 27 shaǵyn aýdanda júk kóliginiń júrgizýshisi jeti jasar balany qaǵyp ketken. Kóptegen jaǵdaılarda jol-kólik oqıǵasyna joldy durys ótýdi úıretpegen kishkentaı jaıaý júrginshilerdiń ata-analary kináli. Biraq júrgizýshiler kólik – joǵary qaýiptilik kózi ekenin este saktap muqııat bolǵany jón, - deıdi Aqtaý qalalyq PB-niń Ákimshilik polısııa bóliminiń aǵa ınspektory Iаn Sadykın.
Aqtaý qalalyq PB Ákimshilik polısııa bóliminiń bastamasymen avtojol ýchaskeleriniń birinde kishkentaı jaıaý júrginshiler beınelengen bılbord ornatyldy.
Polıseılerdiń pikirinshe, mundaı aldyn alý sharalary balalardyń qatysýymen bolǵan jol-kólik oqıǵasynyń tómendeýine qol jetkizýge múmkindik beredi. Sondyqtan da jol qozǵalysy qaýipsizdigi jónindegi baǵdarlamaǵa jasyl jaryq berý týraly sheshim qabyldandy.
- Bılbordtardy ornatýdyń paıdasy zor. О́ıtkeni bizdiń zańnama jol qozǵalysyna qatysýshylardy ártúrli ónimderdi jarnamalaıtyn túrli jarnamalyq qalqandarmen alańdatýǵa ruqsat etedi. Bul jaǵdaıda jaıaý júrginshiler úshin de, júrgizýshiler úshin de oń nátıje kútilýde, - delingen vedomstvonyń baspasóz habarlamasynda.
