Jumysshynyń eńbek shartyna engizilgen ózgeristerge sáıkes tolyq emes jumys ýaqytyn 3 ádispen júzege asyrýǵa bolady. Jumys kúni, ıaǵnı kúndelikti jumys uzaqtyǵynyń normasyn azaıtý, jumys aptasyndaǵy jumys kúnderiniń sanyn qysqartý, sondaı-aq, atalǵan jaǵdaılardy ózara birge qoldaný.
Mundaı jaǵdaıda jalaqy jumyskerge naqty jumys istegen ýaqyty úshin tólenedi.
Taraptardyń kelisimi boıynsha jáne óndiristik prosester múmkindik bergen jaǵdaıda, jumys berýshi qashyqtan oryndalatyn jumys belgileýi múmkin. Iаǵnı, jumys berýshi ornalasqan jerden tys, jumys prosesinde aqparattyq-kommýnıkasııalyq tehnologııalardy qoldaný arqyly jumys atqara alady. Sondaı-aq jumys berýshi jumyskerdiń naqty jumys istegen ýaqytyna aqy tólenedi.
Qazaqstannyń Bas memlekettik dárigeriniń qaýlysyna sáıkes, barlyq karantınge alynǵan qyzmetkerge eńbekke ýaqytsha jaramsyzdyq paraǵy beriledi. Eńbekke ýaqytsha jaramsyzdyq boıynsha járdemaqy tóleý zańnamaǵa sáıkes aıyna 15 MRP-dan aspaıtyn mólsherde júzege asyrylady. Eńbek zańnamasyna sáıkes osyndaı tótenshe jaǵdaılarda jumysshylardyń eńbek qyzmetin júzege asyrýdyń ártúrli tetikteri qarastyrylǵan. Sonyń ishinde tolyq emes jumys ýaqyty rejımin belgileý, qashyqtan jumys isteý, basqa jumysqa ýaqytsha aýystyrý jáne taǵy basqa.
- Taǵy bir másele. Vahtalyq ádiste jumys jasaıtyndar bar. Bul jaǵdaıda jumys berýshi 28 kúnge deıin vahtalyq ádistiń jumys kestesin ózi jasaqtaı alady. Búgingi kúni «Qarajanbas», «Qalamqas», «Mańǵystaýmunaıgaz» sekildi iri munaı mekemeleriniń kestesi 10 kúndi qurap otyr. Jumys berýshi qazirgi jaǵdaıǵa baılanysty vahta kestesin ózgerte alady. Degenmen, zań aıasynda bolý kerek. Jumyskerlerdiń eńbekaqysy tek jumys istegen kúnderge ǵana tólenedi. 10-15 kún bolsyn aıyrmashylyq joq, - dedi Mańǵystaý oblysy Eńbek ınspeksııasynyń basshysy Áliger Ińkárov.
Mańǵystaý oblysy
