Búginde karantınde 113 adam táýlik boıy baqylaýǵa alynǵan. Bul 1A sanatyndaǵy elderden (Iran, Italııa) oralǵan nemese shartty túrde juqtyrǵandarmen baılanysta bolǵan azamattar. Úı karantıninde 39 adam, medısınalyq baqylaýmen ózin-ózi oqshaýlaýda 284 adam, qashyqtyqtan monıtorıngte 273 adam. Olardyń barlyǵy ózderin jaqsy sezinedi, aýrý belgileri joq.
Oblystyq densaýlyq saqtaý basqarmasy men óńirdegi eń iri dárihanalar jelisi bar «Bıosfera» kompanııasy arasynda kelisim jasalyp, sonyń nátıjesinde kásiporyn oblys turǵyndary úshin 300 myń medısınalyq maska satyp alypty. Kompanııa elimizde jasalǵan bul ónimderdi ústine bir tıyn da qospaı, árqaısyn 130-140 teńge aralyǵyndaǵy baǵaǵa satatyn boldy. Sondaı-aq jergilikti «Mereı» kompanııasy da maska jasap, áleýmettik dárihanalardy betperdemen qamtamasyz etip jatyr.
Aıta ketý kerek, Qaraǵandyda vırýsologııalyq zerthana jumys isteıdi. Eger de biz sóz qylyp otyrǵan indetke tán qandaı da bir belgi anyqtalatyn bolsa, onda ondaı naýqas koronavırýstyq test júıesinen ótkiziledi. Iаǵnı kúdik týdyrǵan adamnyń jutqynshaǵy men muryn qýysynan juǵyndy alynyp, ol zerthanada tekseriledi. Al tekserý qorytyndysy kúmán týdyrarlyq bolsa, onda analız birden Nur-Sultan qalasyndaǵy saraptamalyq zerthanaǵa jiberiledi.
Basqarma basshysy Erjan Nurlybaevtyń aıtýynsha, ázirge óńirdegi emhanalar qalypty rejimde jumys istep tur. Eger ótinishter kóbeıetin jaǵdaı týyndaı qalsa, dárigerler adamdardy demalyssyz qabyldaýǵa saqadaı saı eken. Stasıonarlarda naýqastarmen kezdesýge ýaqytsha shekteýler qoıylǵan. Mysaly, egde adamdarǵa emhanalarǵa barýdyń qajeti joq, olarǵa tıisti dári-dármekterdi dárigerlerdiń ózderi turǵylyqty jerlerine jetkizip beredi.
О́ńirde dári-dármek jaǵynan da tapshylyq joq. Oblystyq densaýlyq saqtaý basqarmasy aldaǵy eki aıǵa jetetin dári-dármek satyp alǵan.
Iri kásiporyndar qajet bolǵan jaǵdaıda qala syrtynda ornalasqan ózderine tıesili shıpajaılar men saýyqtyrý oryndaryn karantın uıymdastyrýǵa beretin bolǵan.
Qaraǵandy oblysy
